తందూరి ఛాయ్​ని టేస్ట్​ చేసిన మంత్రి ఇంద్రకరణ్​రెడ్డి

పట్టణ ప్రాంతాల్లో ఎంతో పేరుగాంచిన తేనీరైన తందూరి ఛాయ్​ని నిర్మల్​ జిల్లా చించోలి గ్రామప్రజలకు రుచిచూపించాలని ఓ యువకుడు చేసిన ప్రయత్నాన్ని మంత్రి ఇంద్రకరణ్​రెడ్డి అభినందించారు. కుటుంబసభ్యులతో కలిసి వెళ్లి అతని దుకాణంలోని ఛాయ్​ని టేస్ట్​ చేశారు.

నిర్మల్ జిల్లా సారంగాపూర్‌ మండలం చించోలి (బి) గ్రామ సమీపంలో నూతనంగా ఏర్పాటు చేసిన తందూరి ఛాయ్ స్టాల్​ను రాష్ట్ర దేవదాయ శాఖ మంత్రి అల్లోల ఇంద్రకరణ్ రెడ్డి సందర్శించారు. కొంతం గంగాధర్‌ అనే యువకుడు చేసిన ఛాయ్​ను మంత్రి రుచిచూశారు. కుటుంబ సభ్యులతో కలిసి తందూరి ఛాయ్‌ దుకాణానికి వెళ్లి ఛాయ్ చేసే విధానాన్ని అడిగి తెలుసుకున్నారు.

మట్టి పాత్రలను ఉపయోగించడం ద్వారా శరీరానికి మేలు జరుగుతోందని ఆయన తెలిపారు. నిర్మల్ ప్రజలకు తందూరి ఛాయ్​ను పరిచయం చేసి, ఉపాధి పొందుతున్న యువకుడిని మంత్రి అభినందించారు.

ఇదీ చూడండి: సీఎం దృష్టికి తీసుకెళ్లి న్యాయం చేస్తాం: మంత్రి ఎర్రబెల్లి