నాణ్యమైన విద్య అందించడమే ప్రభుత్వ ఉద్దేశం: మంత్రి ఇంద్రకరణ్

విద్యార్థులందరికీ నాణ్యమైన విద్యనందించడమే తమ ప్రభుత్వ ఉద్దేశమని మంత్రి ఇంద్రకరణ్ రెడ్డి అన్నారు. విద్యతోనే సమాజం అభివృద్ధి చెందుతుందని అభిప్రాయపడ్డారు. నిర్మల్ జిల్లాలోని మల్లాపూర్​ గ్రామంలోని ప్రభుత్వ పాఠశాలలో అదనపు తరగతి గదులను ప్రారంభించారు.

విద్యార్థులందరికీ నాణ్యమైన విద్యను అందించాలన్న ఉద్దేశంతోనే తెలంగాణ ప్రభుత్వం ముందుకెళ్తోందని మంత్రి ఇంద్రకరణ్ రెడ్డి తెలిపారు. విద్యతోనే సమాజం అభివృద్ధి చెందుతుందని... ప్రతి ఒక్కరూ చదువుకుని సమాజాభివృద్ధికి పాటుపడాలన్నారు. నిర్మల్ జిల్లాలోని లక్ష్మణ్​చందా మండలం మల్లాపూర్ గ్రామంలోని జడ్పీ ఉన్నత పాఠశాలలో రూ.28 లక్షలతో చేపట్టిన 4 అదనపు తరగతి గదులను మంత్రి శుక్రవారం ప్రారంభించారు.

పాఠశాలల్లో మరుగుదొడ్ల సమస్య ఉందని మంత్రికి వివరించగా... వెంటనే స్పందించిన మంత్రి మరుగుదొడ్ల నిర్మాణం చేపట్టాలని సంబంధిత అధికారులను ఆదేశించారు. జిల్లాలోని ఏ పాఠశాలలోనైనా మరుగుదొడ్ల సమస్య ఉంటే తమ దృష్టికి తీసుకురావాలని సూచించారు.

ఇదీ చదవండి: నిరుద్యోగులను తెరాస మోసం చేసింది: జానారెడ్డి