ఉన్న వారైనా వినియోగించరు
కనీసం మరుగుదొడ్డి నిర్మించుకున్నవారైనా దాన్ని సక్రమంగా ఉపయోగించుకోవడం లేదు. కొందరు వాటిని స్టోర్రూముగా.. కట్టెలు దాచుకునేందుకు వాడుతున్నారు. గ్రామాల్లో నిర్మించిన మరుగుదొడ్లలో సుమారు 30 నుంచి 40 శాతం మంది వాటిని ఉపయోగించడం లేదు.
బైట్ శ్రీశైలం మేస్త్రీ
అసంపూర్తి నిర్మాణాలు
చాలాచోట్ల కాంట్రాక్టు పద్ధతిలో నిర్మాణం చేపట్టడం వల్ల వాటిని మొక్కుబడిగా నిర్మించారు. ట్యాంకులకు మరుగుదొడ్డికి కనెక్షన్ ఇవ్వలేదు. నిధులు వెచ్చించినా పనులు కాకపోవడం వల్ల అధికారులు తలలు పట్టుకుంటున్నారు.
ఈశ్వరమ్మ, లబ్దిదారు
కఠినంగా వ్యవహరించినా కదలని పనులు
కొన్ని చోట్ల అధికారులు కఠినంగా వ్యవహరించడం వల్ల అరకొరగా నిర్మాణాలు జరుగుతున్నాయి. ప్రజా ప్రతినిధలతో కలిసి ప్రజలకు నచ్చజెప్పుతున్నారు. కొన్ని సందర్భాల్లో మరుగుదొడ్లు నిర్మించుకోవాలంటూ అధికారులే ధర్నాకు దిగిన సంఘటనలు ఉన్నాయి.
శశికళ సెక్రటరీ
సుధాకర్ పంచాయతీ సెక్రటరీ
నాగర్కర్నూల్ జిల్లాలో 96 వేల మరుగుదొడ్లు నిర్మించాల్సి ఉండగా కేవలం 39 వేలు మాత్రమే పూర్తయ్యాయి. 17 మండలాల్లో 50 శాతం పైగా నిర్మించాల్సి ఉంది. వనపర్తిలో 54 వేలకు గాను 46 వేలు పూర్తయ్యాయి. నారాయణ పేటలో 72 శాతం పూర్తికాగా 20 శాతం పనులు ప్రగతిలో ఉన్నాయి. ఏదేమైనా ఈ నెలాఖరుకు ఇవి పూర్తయ్యేలా లేవు.
ఇలాగైతేనే లక్ష్యం చేరుకోవచ్చు
వందశాతం లక్ష్యం సాధించాలంటే నిరుపేదలకు మరికొంత మొత్తం అందించాలని, భూమిలేని వారికి సామూహిక మరుగుదొడ్లు నిర్మించాలనే అభిప్రాయాలు వ్యక్తమవుతున్నాయి. దానితో పాటు మరుగుదొడ్డి ఉన్న ప్రతిఒక్కరు దానిని ఉపయోగించేలా కఠిన చర్యలు తెస్తేనే సర్కారు కల సాకారం అవుతుంది.
ఇవీ చూడండి: శాసనసభ సమావేశాలకు నోటిఫికేషన్ జారీ
