సాగర్​ ఎడమ కాలువకు 1000 క్యూసెక్కుల నీరు విడుదల

నాగార్జునసాగర్​ ఎడమ కాలువ నుంచి యాసంగి ఆయకట్టుకు మంత్రి జగదీశ్​రెడ్డి నీటిని విడుదల చేశారు. ఆన్​ ఆఫ్​ పద్ధతి ద్వారా ఏప్రిల్​ వరకు నీటిని అందించనున్నట్లు మంత్రి తెలిపారు.

యాసంగి పంట కోసం నాగార్జునసాగర్ ఎడమ కాలువ నుంచి 1000 క్యూసెక్కుల నీటిని విద్యుత్ శాఖ మంత్రి జగదీశ్​రెడ్డి విడుదల చేశారు. సాగర్ ఆయకట్టుకు ఆన్ అండ్ ఆఫ్ పద్దతిలో ఏప్రిల్ వరకు నీటిని అందించనున్నట్లు మంత్రి తెలిపారు. సాగు నీటిని రైతులు చాలా పొదుపుగా వాడుకోవాలని కోరారు. 2 తెలుగు రాష్ట్రాలు ఎవరి వాటా మేరకు వారు సాగర జలాలను వాడుకుంటామని తెలిపారు. ఆన్ అండ్ ఆఫ్ పద్ధతిలో నీటి విడుదల వల్ల పంట దిగుబడి పెరిగిందని మంత్రి సంతోషం వ్యక్తం చేశారు. అవసరం అనుకుంటే నీటి విడుదలను కొనసాగిస్తామని అధికారులు చెబుతున్నారు.

ఇవీ చూడండి:తాగుడికి బానిసై... భార్యను కడతేర్చిన భర్త