నల్గొండ జిల్లా మిర్యాలగూడలో యోగా క్లబ్ ఆధ్వర్యంలో మదర్స్ డే ను పురస్కరించుకుని అమ్మ-నాన్న అనాథాశ్రమానికి రూ. 90 వేల రూపాయల నిత్యావసర సరుకులు, దుస్తులు పంపిణీ చేశారు. అనాథాశ్రమానికి తమ వంతు సాయం చేయాలనే ఆలోచనతో వాట్సాప్ గ్రూప్ల ద్వారా డబ్బులు పోగు చేసి బియ్యం, కంది పప్పు, నూనె వంటి నిత్యవసర వస్తువులు, దుస్తులను అందించారు.
మతిస్థిమితం లేని అనాథలను చేరదీస్తున్న అమ్మా-నాన్న ఆశ్రమానికి దాతలు ముందుకొచ్చి తమ వంతు సాయం చేయాలని యోగా సభ్యులు కోరారు. లాక్డౌన్ పూర్తయ్యే వరకు తమ శక్తి కొద్దీ నిరుపేదల ఆకలి తీర్చేందుకు కృషి చేస్తామని యోగా సభ్యులు తెలిపారు.
