ఉత్కంఠ మధ్య కల్వకుర్తి సహకార సంఘం పాలకవర్గ ఎన్నిక

నాగర్​కర్నూల్​ జిల్లా కల్వకుర్తి ప్రాథమిక వ్యవసాయ సహకార పరపతి సంఘం అధ్యక్ష, ఉపాధ్యక్ష ఎన్నికలు ముగిశాయి. తెరాసకు చెందిన వారే ఇరు వర్గాలుగా విడిపోవడం వల్ల కొంత ఉత్కంఠకు దారి తీసింది.

నాగర్​కర్నూల్​ జిల్లా కల్వకుర్తి సహకార సంఘం ఛైర్మన్​, వైస్​ ఛైర్మన్​ ఎన్నికలో తెరాసకు చెందిన వారే రెండు వర్గాలు విడిపోయి ఉత్కంఠ రేకెత్తించారు. కల్వకుర్తి, ఊరుకొండ మండలాలకు చెందిన 13 మంది డైరెక్టర్లు ఇరువర్గాలుగా విడిపోయిన అనంతరం అధికారులు ఓటింగ్​ ఏర్పాటు చేశారు.

పీఏసీఎస్​ అధ్యక్షునిగా తలసాని జనార్దన్​రెడ్డి, ఉపాధ్యక్షుడిగా శ్యాంసుందర్​ ఎన్నికయ్యారు. నూతన పాలకవర్గానికి కల్వకుర్తి పురపాలిక ఛైర్మన్​ ఎడ్మ సత్యం, వైస్ చైర్మన్ సాహెద్, తెరాస పార్టీకి చెందిన నాయకులు అభినందనలు తెలిపారు.

• ఇదీ చూడండి: కేసీఆర్ కటౌట్... మంత్రి తలసానికి జరిమానా