ట్విట్టర్​ సందేశానికి స్పందించిన మాజీ ఎంపీ కవిత

సాయం కోరుతూ ట్విట్టర్​లో పంపిన సందేశానికి తెలంగాణ జాగృతి వ్యవస్థాపకురాలు, మాజీ ఎంపీ కవిత స్పందించారు. ఆర్థిక ఇబ్బందులతో సతమతమవుతున్న ఓ పేద కుటుంబానికి అండగా నిలిచి తక్షణ సాయం చేశారు.

నాగర్​ కర్నూల్​ జిల్లా అచ్చంపేట పట్టణంలోని వెంకటేశ్వర కాలనీలో నివాసముండే సోమోజు నరేష్​ టీ కొట్టు నడుపుతూ కుటుంబాన్ని పోషించుకుంటున్నాడు. నరేష్​కు భార్య, ఇద్దరు పిల్లలున్నారు. అద్దె ఇంట్లో ఉండే నరేష్.. లాక్​డౌన్​ కారణంగా రెండు నెలలుగా టీ కొట్టు తెరవలేదు. చేతిలో ఉన్న డబ్బంతా ఖర్చైపోయింది. ప్రస్తుతం పూట గడవని పరిస్థితుల్లో ఉన్నాడు.

ఎవరినైనా చేయి చాచి అడగడానికి ఆత్మగౌరవం అడ్డొచ్చింది. తన పరిస్థితిని ట్విట్టర్​ ద్వారా జాగృతి వ్యవస్థాపకురాలు కవితకు చెప్పుకున్నారు. వెంటనే స్పందించిన కవిత.. నరేష్​కు సాయం చేయాల్సిందిగా.. స్థానిక జాగృతి నాయకులకు సమాచారం అందించారు. జాగృతి జిల్లా అధ్యక్షురాలు పావని, సత్యం, భారతి తక్షణ సాయంగా నరేష్​ కుటుంబానికి నిత్యావసరాలు, బియ్యం, కూరగాయలు అందించారు.

ఇవీ చూడండి: విదేశాల నుంచి తెలంగాణకు వచ్చేవారికి నూతన మార్గదర్శకాలు