How to Make Pancharatna Dosa at Home: దోశ - మెజార్టీ పీపుల్ మార్నింగ్ బ్రేక్ఫాస్ట్గా తింటుంటారు. కేవలం మార్నింగ్ మాత్రమే కాకుండా బయటికి వెళ్లినప్పుడు, నైట్ డిన్నర్లో కూడా దీనిని తింటుంటారు. ఇక దోశలో ప్లెయిన్, మసాలా, ఆనియన్, రవ్వ అంటూ ఎన్నో రకాలు ఉంటాయి. వీటన్నింటిని ఎప్పుడో ఒకసారి తినే ఉంటారు. మరి మీరు ఎప్పుడైనా పంచరత్న దోశ తిన్నారా? ఎప్పుడూ తినకపోతే ఓసారి ట్రై చేయండి. టేస్ట్ సూపర్గా ఉంటుంది. పైగా ప్రిపేర్ చేసుకోవడం కూడా వెరీ ఈజీ. మరి లేట్ చేయకుండా ఈ దోశ ప్రిపేర్ చేయడానికి కావాల్సిన పదార్థాలు, తయారీ విధానం ఈ స్టోరీలో తెలుసుకుందాం.
కావాల్సిన పదార్థాలు:
- మినపప్పు - పావు కప్పు
- పచ్చి శనగపప్పు - అర కప్పు
- కందిపప్పు - అర కప్పు
- పెసర్లు - అర కప్పు
- ఎర్ర కందిపప్పు - అర కప్పు
- బియ్యం - 1 కప్పు
- మెంతులు - 1 టీ స్పూన్
- ఉప్పు - రుచికి సరిపడా
- జీలకర్ర - 1 టీ స్పూన్
తయారీ విధానం:
- ఓ గిన్నెలోకి మినపప్పు , మెంతులు వేసి శుభ్రంగా కడిగి నీళ్లు పోసి 5 గంటలపాటు నాననివ్వాలి.
- మరో గిన్నెలోకి పచ్చి శనగపప్పు, పెసర్లు, కందిపప్పు, ఎర్ర కందిపప్పు, బియ్యం వేసి శుభ్రంగా కడిగి సరిపడా నీళ్లు పోసి వీటినీ 5 గంటలు నానబెట్టుకోవాలి.
- మినప్పపు, పప్పులు నానిన తర్వాత మరోసారి కడిగి నీళ్లు లేకుండా మిక్సీ జార్లో వేసి గ్రైండ్ చేసుకోవాలి.
- ఇలా గ్రైండ్ చేసుకున్న మిశ్రమాన్ని ఓ గిన్నెలోకి తీసుకుని పూర్తిగా కలపాలి. ఆ తర్వాత మూత పెట్టి రాత్రి మొత్తం పులిసేలా పక్కన ఉంచాలి.
- ఆ మరుసటి రోజు ఉదయం పిండిని మరొక్కసారి బాగా కలిపి రుచికి సరిపడా ఉప్పు, జీలకర్ర వేసి మరోసారి కలపాలి.
- ఇప్పుడు అందులోని పిండిని ఓ గిన్నెలోకి కొద్దిగా తీసుకోవాలి. దోశలు పోసుకోవడానికి సరిపడా ఉంటే సరి. అలాకాకుండా పిండి గట్టిగా ఉంటే కొన్ని నీళ్లు పోసుకుని కలుపుకోవాలి.
- స్టవ్ ఆన్ చేసి దోశ పెనం పెట్టి వేడి చేసుకోవాలి. పాన్ హీటెక్కిన తర్వాత పిండిని పల్చగా పోసి నూనె అప్లై చేయాలి.
- ఆపై దోశను రెండు వైపులా ఎర్రగా కాల్చుకుని కొబ్బరి చట్నీ, అల్లం పచ్చడితో తింటే సూపర్గా ఉంటుంది. ఒకవేళ మీరు కావాలనుకుంటే ఈ పిండితోటే ఆనియన్, ఎగ్, మసాలా వంటివి కూడా ట్రై చేయవచ్చు. మరి నచ్చితే మీరూ ఓ సారి ట్రై చేయండి.
పప్పు నానబెట్టడం లేదు, చుక్క నూనె లేదు! - 5 నిమిషాల్లోనే అద్దిరిపోయే "గోధుమ రవ్వ దోశలు"!
నిమిషాల్లోనే సూపర్ టేస్టీ "టమాటా దోశలు" - ఇలా చేస్తే ఔర్ ఏక్ ప్లేట్ అనడం పక్కా!
