ములుగు జిల్లా గోవిందరావుపేట మండలంలోని ప్రాజెక్ట్ నగర్ గ్రామ సమీపంలోని ఆదివాసీ గుత్తికోయగూడెం అగ్నిప్రమాద బాధితులకు అండగా ఉంటామని ఎమ్మెల్యే సీతక్క అన్నారు. బాధితులను ప్రభుత్వం ఆదుకోవాలని కోరారు. గురువారం జరిగిన ఈ ఘటనలో మూడు ఇళ్లు దగ్ధమయ్యాయి. బాధిత కుటుంబాల్ని సీతక్క పరామర్శించారు. బియ్యం, దుప్పట్లు, వంట సామాగ్రి, నిత్యావసర వస్తువులు అందించారు.
అనంతరం ప్రాజెక్ట్ నగర్ గ్రామంలోని శివాలయంలో సీతక్క ప్రత్యేక పూజలు నిర్వహించారు. ఈ కార్యక్రమంలో కాంగ్రెస్ పార్టీ జిల్లా అధ్యక్షుడు నల్లెల కుమారస్వామి, కిసాన్ సెల్ జిల్లా అధ్యక్షుడు గొల్లపల్లి రాజేందర్ గౌడ్, యూత్ కాంగ్రెస్ జిల్లా అధ్యక్షుడు బానోత్ రవి చందర్ తదితరులు పాల్గొన్నారు.
ఇదీ చదవండి: ప్రపంచ ఆలయాల్లో యాదాద్రి ప్రత్యేకత చాటుకోబోతోంది: సీఎం
