సూరారం చెరువు భూములు కబ్జా చేసి ఆస్పత్రి నిర్మించారని ఆరోపిస్తూ మల్లారెడ్డి ఆస్పత్రి హాస్పిటల్ ఎదుట ఎన్ఎస్యూఐ అధ్యక్షుడు వెంకట్ ఆధ్వర్యంలో ధర్నా నిర్వహించారు. పీపీఈ కిట్లు ధరించి సుమారు 20 మంది విద్యార్థులు ఆస్పత్రి ఎదుట నిరసన చేపట్టారు. దవాఖానా అద్దాలు ధ్వంసం చేశారు. ఈ నేపథ్యంలో ఆస్పత్రి సిబ్బంది, విద్యార్థులకు ఘర్షణ జరిగింది. ఆస్పత్రిలో ఉచితంగా కరోనా చికిత్స అందించాలని డిమాండ్ చేశారు. సమాచారం అందుకున్న పోలీసులు ఆందోళనకారులను దుండిగల్ పోలీస్ స్టేషన్కు తరలించారు. ఘటన స్థలాన్ని ఏసీపీ రామలింగరాజు పరిశీలించారు.
తమపై దాడికి పాల్పడ్డారంటూ ఆస్పత్రి వైద్యులు ఆరోపిస్తున్నారు. కొవిడ్ బాధితులకు చికిత్స అందిస్తుండగా ఆందోళన చేయడం దారుణమన్నారు. తమ విధులకు ఆటంకం కలిగిస్తే ఇంట్లోనే కూర్చుంటామని హెచ్చరించారు.
ఈ ఘటనపై మంత్రి మల్లారెడ్డి కోడలు ప్రీతిరెడ్డి స్పందించారు. కొవిడ్ వంటి ఆపత్కాలంలో వైద్యులు సేవలందిస్తుంటే ఈ తరహా దాడులు సరికాదన్నారు.
ఇవీచూడండి: గాంధీ ఆస్పత్రిని సందర్శించిన సీఎస్, సీపీ
