జటాయు ఫారెస్టు పార్క్​ను ప్రారంభించిన మంత్రులు

మేడ్చల్​ జిల్లాలోని మేడిపల్లి మండలకేంద్రంలో జటాయు అర్బన్ ఫారెస్టు పార్క్​ను మంత్రులు మల్లారెడ్డి, ఇంద్రకరణ్ రెడ్డి కలసి ప్రారంభించారు. అడవులే మన ఆరోగ్యానికి ప్రాణాధారమని మంత్రి ఇంద్రకరణ్ రెడ్డి అన్నారు.

మేడ్చల్ జిల్లా మేడిపల్లి మండల కేంద్రంలో జటాయు అర్బన్ ఫారెస్టు పార్క్​ను కార్మిక శాఖ మంత్రి మల్లారెడ్డి, అటవీ శాఖ మంత్రి ఇంద్రకరణ్ రెడ్డి ప్రారంభించారు. అడవులు అంతరించడం వల్ల పట్టణ ప్రజలంతా..స్వచ్ఛమైన గాలిని పీల్చలేకపోతున్నారని మంత్రి మల్లారెడ్డి అన్నారు. రాష్ట్రమంతా పచ్చగా ఉండాలనే సంకల్పంతో.. తమ ప్రభుత్వం ఈ పార్క్​ను 1250 ఎకరాల్లో రూ.కోటితో నిర్మించడం ఆనందంగా ఉందని చెప్పారు. మెుక్కలను నాటాలేగానీ నరకొద్దని మంత్రి ఇంద్రకరణ్ రెడ్డి అన్నారు. అడవులే మన ఆరోగ్యానికి ప్రాణాధారమని పేర్కొన్నారు.

ఇదీచూడండి:మా దగ్గర పూర్తి ఆధారాలున్నాయి: లక్ష్మణ్