అసలే లాక్డౌన్(Lock down) సమయం, పైగా ఎండాకాలం. ఈ పరిస్థితుల్లో రవాణా సౌకర్యం అందక ఇబ్బంది పడుతున్న ఓ నిండు గర్భిణీ పట్ల పోలీసులు మానవత్వం చూపించారు. మెదక్ జిల్లా చిన్నశంకరంపేట పోలీసులు తమ వాహనంలో ఇంటికి(police help) సాగనంపారు.
శనివారం చేగుంట మండలం కర్నాల్పల్లికి చెందిన గ్యాదరి మనీశ తొమ్మిది నెలల గర్భిణీ కావడం వల్ల… తన అత్తగారితో కలిసి మెదక్ పట్టణానికి ఓ ప్రైవేటు ఆస్పత్రిలో వైద్యం కోసం వెళ్లారు. తిరుగు ప్రయాణంలో లాక్డౌన్ సడలింపు కారణంగా ఓ ఆటోవాలా.. మధ్యాహ్నం రెండు గంటలు కావడం వల్ల చిన్నశంకరంపేట పట్టణంలో వారిని వదిలి వెళ్లిపోయాడు.
ఆ సమయంలో తనిఖీలు నిర్వహిస్తున్న పోలీసులను వారు సంప్రదించారు. వారి పరిస్థితిని చూసి చలించిన ఎస్సై మహమ్మద్ గౌస్ పోలీసు వాహనంలో వారిని ఇంటికి తరలించాలని సిబ్బందిని ఆదేశించారు. ఈ తరుణంలో పోలీసుల చర్య పట్ల సర్వత్రా హర్షం వ్యక్తమవుతోంది.
ఇదీ చూడండి: TS News: రాష్ట్రవ్యాప్తంగా ఆగిన రిజిస్ట్రేష‌న్లు
