మంచిర్యాల జిల్లా గడ్డెరగడిలో ఉపాధ్యాయ దంపతులు కొవిడ్తో మృతి చెందారు. ఆసిఫాబాద్ జిల్లా బాలుర ఉన్నత పాఠశాలలో సైన్స్ ఉపాధ్యాయురాలిగా పనిచేస్తున్న నాగినేని బాల శైలజ(43), వేములపల్లి కేతన పల్లి పాఠశాలలో పి.సీతారామరాజు (45) ఉపాధ్యాయులుగా పని చేస్తున్నారు. వారికి ఇద్దరు పిల్లలు. సీతారామరాజు గతనెల 29న కొవిడ్ లక్షణాలతో పరీక్ష చేయించుకోగా పాజిటివ్ వచ్చింది. అప్పటి నుంచి ఆన్లైన్లో వైద్యుల సలహాలు తీసుకుంటూ హోం ఐసోలేషన్లో చికిత్స తీసుకున్నాడు. ఈనెల 3న శైలజకు లక్షణాలు కనిపించడంతో పరీక్ష చేయించుకోగా నెగిటివ్ వచ్చింది.
లక్షణాలు ఉండడం వల్ల హోం ఐసోలేషన్లో ఉంటూనే చికిత్స తీసుకున్నారు. అయితే ఇద్దరి ఆరోగ్య పరిస్థితి క్షీణించడం వల్ల ఈ నెల 6న బెల్లంపల్లిలోని ఆస్పత్రికి తీసుకెళ్లారు. అక్కడ నిర్వహించిన పరీక్షల్లో శైలజకు పాజిటివ్ వచ్చింది. అక్కడ నుంచి మెరుగైన వైద్యం కోసం కరీంనగర్కు తరలించగా... అక్కడ చికిత్స పొందుతూ 11న రాత్రి శైలజ మృతి చెందింది. ఈ విషయం ఆమె భర్తకు చెప్పలేదు. ఇవాళ భర్త కూడా మృతి చెందాడు. ఇంటర్ చదువుతున్న వీరి కుమార్తె యశస్విని మూడు నెలల క్రితం అనారోగ్య సమస్యలతో మృతి చెందింది. కుటుంబంలోని ముగ్గురు మృతిలో ఒంటరిగా మిగిలిన ఒక్కగానొక్క కూతురు రోదన చూపరులను కన్నీరు పెట్టించింది.
ఇదీ చూడండి: 'ఇంట్లోనే ప్రార్థనలు జరుపుకోవాలి... మసీదులో నలుగురికే అనుమతి'
