సోలార్ మొబైల్ ఛార్జింగ్..

సూర్యుడు చెంత ఉంటే చాలు.. చరవాణి ఛార్జింగ్​కు ఏమాత్రం చింత ఉండదిక. మహబూబ్​నగర్ జిల్లాలో సోలార్ విద్యుత్ ఛార్జింగ్ సెంటర్లు ఏర్పాటు చేశారు.

మహబూబ్​నగర్ పట్టణంలోని ప్రధాన ప్రాంతాల్లో ప్రజల సౌకర్యార్థం సోలార్ ఛార్జింగ్ పాయింట్లను ఏర్పాటు చేశారు. కలెక్టర్ కార్యాలయం, హరితవనం, రైల్వేస్టేషన్, పురపాలక సంఘం, ప్రభుత్వ జనరల్ ఆసుపత్రి వద్ద సౌర విద్యుత్ ఛార్జింగ్​లను అందుబాటులోకి తీసుకువచ్చారు.

వరంగల్ జిల్లా గోపాలపురం గ్రామానికి చెందిన గోపారపు రాజు సౌర ఛార్జింగ్ పరికరాన్ని రూపొందించాడు. ఈ విషయాన్ని మహబూబ్​నగర్ జిల్లా కలెక్టర్ రోనాల్డ్ రోస్.. ట్విట్టర్ ద్వారా తెలుసుకొని.. పట్టణంలోని ప్రధాన జనసమూహ ప్రాంతాల్లో వీటిని ఏర్పాటు చేశారు.