మహబూబ్నగర్ జిల్లాలో ఈ నెల 13న పురపాలక శాఖ మంత్రి కేటీఆర్ పర్యటన విజయవంతం అయ్యేలా అన్ని చర్యలు చేపట్టాలని మంత్రి శ్రీనివాస్ గౌడ్ అధికారులను ఆదేశించారు. కేటీఆర్ పర్యటనలో భాగంగా స్థానిక మయూరి పార్కులో నిర్వహించే హరితహారం ఏర్పాట్లను పరిశీలించారు. పర్యటన ప్రణాళికలో మార్పులు చేర్పులను సంబంధిత అధికారులకు సూచించారు. జడ్పీ మైదానంలో చేసిన ఏర్పాట్లపై పలు సూచనలు చేశారు.
తొలుత మహబూబ్నగర్లోని తెలంగాణ చౌరస్తా నుంచి జిల్లా కోర్టు రోడ్డు వరకూ జరుగుతున్న విస్తరణ పనులను పరిశీలించారు. ఎమ్మార్పీఎస్ 26వ ఆవిర్భావ దినోత్సవం సందర్భంగా పట్టణంలోని ఏనుగొండ వద్ద అంబేడ్కర్ విగ్రహానికి పూలమాల వేసి నివాళులర్పించారు. ఏనుగొండలోని అనాథ ఆశ్రమంలో మల్లెపోగు శ్రీనివాస్ ఆధ్వర్యంలో మంత్రి అన్నదానం చేశారు.
ఇవీ చూడండి: వేరుశనగ పరిశోధన కేంద్రం ఏర్పాటు చేస్తాం: మంత్రి సింగిరెడ్డి
