నిలిపి ఉంచిన వాహనాల నుంచి డీజిల్ దొంగిలించడమే కాకుండా.... తాళం వేసిన ఇళ్లలో చోరీలకు పాల్పడుతున్న నలుగురు సభ్యుల ముఠాను మహబూబ్నగర్ పోలీసులు అరెస్టు చేశారు. వారి నుంచి మూడున్నర లక్షల విలువైన బంగారం, వెండి వస్తువులు... రెండు ద్విచక్ర వాహనాలు, ఓ కారు స్వాధీనం చేసుకున్నట్లు డీఎస్పీ శ్రీధర్ తెలిపారు.
మహబూబ్నగర్ జిల్లా కేంద్రం సమీపంలో సాధారణ తనిఖీలు నిర్వహిస్తున్న సీసీఎస్ పోలీసులు... అనుమానంతో వీరిని అదుపులోకి తీసుకుని విచారించగా అసలు వ్యవహారం వెలుగులోకి వచ్చింది. ఈ ముఠాలోని ఓ సభ్యుడు ఇతర కేసులో జైలులో ఉండగా... మరొకరు పరారీలో ఉన్నట్లు పోలీసులు వివరించారు.
వరుస దొంగతనాలకు పాల్పడుతున్న ముఠా అరెస్ట్
