కాకతీయ యూనివర్సిటీలో నోటిఫికేషన్ రావడం లేదని ఆత్మహత్య చేసుకున్న సునీల్ నాయక్ కుటుంబాన్ని ఆదుకోవాలని పలు విద్యార్థి సంఘాలు ఆందోళన వ్యక్తం చేశాయి. నిరసనలో భాగంగా మహబూబాబాద్ జిల్లాలోని ఆధ్వర్యంలో మంత్రి సత్యవతి రాథోడ్ ఇంటి ముట్టడికి ఎస్.ఎఫ్.ఐ, ఎల్.హెచ్.పి.ఎస్ , కె.వి.పి.ఎస్లు యత్నించాయి. పోలీసులు అడ్డుకోవడంతో గేట్ ముందు బైఠాయించి ఆందోళన చేశారు.
మహబూబాబాద్ జిల్లా గూడూరు మండలం తేజావత్ సింగ్ తండాకు చెందిన బోడ సునీల్ కుటుంబానికి న్యాయం చేయాలని డిమాండ్ చేశారు. రాష్ట్రంలో ఖాళీగా ఉన్న పోస్ట్లను భర్తీ చేయాలంటూ నినాదాలు చేశారు. ఆందోళన విరమించక పోవడంతో పోలీసులు వారిని అరెస్ట్ చేసి పోలీస్ స్టేషన్కు తరలించారు.
ఇదీ చదవండి: మహిళా నేతపై ఎమ్మెల్యే కొడుకు లైంగిక దాడి!
