Health Benefits of Turmeric : పసుపులోని ఔషధ గుణాలు, ఆరోగ్య ప్రయోజనాల గురించి మనందరికీ తెలిసిందే. ఎన్నో రకాల వ్యాధులు, ఇన్ఫెక్షన్లు, పలు ఆరోగ్య సమస్యలకు ఇది దివ్య ఔషధంలా పనిచేస్తుంది. అందుకే.. డైలీ మనం చేసుకునే అన్ని వంటకాల్లో పసుపును వినియోగిస్తుంటాం. ఆయుర్వేదంలో కూడా పసుపునకు ఎంతో ప్రాముఖ్యత ఉంది. అయితే కేవలం పసుపు వల్ల మాత్రమే కాకుండా.. పసుపు సప్లిమెంట్స్ తీసుకున్నా పలు ఆరోగ్య ప్రయోజనాలు లభిస్తాయని నిపుణులు చెబుతున్నారు. ముఖ్యంగా ఆస్టియో ఆర్థరైటిస్, రుమటాయిడ్ ఆర్థరైటిస్ లక్షణాలను నియంత్రించడంలో ఇవి సహాయపడతాయని అంటున్నారు. ఆ వివరాలు ఇప్పుడు చూద్దాం..
పరిశోధన వివరాలివే: పసుపు.. అల్లం జాతికి చెందినది. పసుపు వంటల్లో వాడే సుగంధ ద్రవ్యమే కాకుండా ఎన్నో రకాల వ్యాధుల్ని ఎదుర్కొనే దివ్య ఔషధం కూడా. ఇది శ్వాసకోశ వ్యాధులకు చక్కటి మందులా పనిచేస్తుందని అంటున్నారు. పసుపులోని కర్కుమిన్ ఆస్టియో ఆర్థరైటిస్, రుమటాయిడ్ ఆర్థరైటిస్ వ్యాధి ఉన్న వారికి మంచిదంటున్నారు. కీళ్ల నొప్పుల నుంచి ఉపశమనం లభిస్తుందని. ముఖ్యంగా జాయింట్లు పట్టేసినట్లు ఉండకుండా ఉంటాయని అంటున్నారు.
అయితే.. పసుపు కన్నా పసుపు సప్లిమెంట్లు తీసుకోవడం వల్ల ఈ ప్రయోజనం మరింత ఎక్కువని అంటున్నారు. ఎందుకంటే సాధారణంగా మనం తీసుకునే పసుపులో 2 నుంచి 9 శాతం వరకు మాత్రమే కర్కుమిన్ ఉంటుందని.. అదే పసుపు సప్లిమెంట్స్లో కర్కుమిన్ 95 శాతం వరకు ఉంటుందని హార్వర్డ్ మెడికల్ స్కూల్ వెబ్సైట్ ఓ రిపోర్టు ప్రచురించింది (రిపోర్ట్ కోసం ఇక్కడ క్లిక్ చేయండి). ఈ క్రమంలోనే ఆస్టియో ఆర్థరైటిస్, రుమటాయిడ్ ఆర్థరైటిస్ లక్షణాలను నియంత్రించడానికి రోజుకు రెండుసార్లు కర్కుమిన్ సప్లిమెంట్స్ను 500 mg మోతాదులో తీసుకోవచ్చని "ఆర్థరైటిస్ ఫౌండేషన్" కూడా సిఫార్సు చేస్తోంది(రిపోర్ట్ కోసం క్లిక్ చేయండి).
పసుపు సప్లిమెంట్స్ వల్ల కలిగే ఇతర ప్రయోజనాలు:
- యాంటీ ఆక్సిడెంట్స్ లక్షణాలు: కర్కుమిన్ అనే యాంటి ఆక్సిడెంట్.. శరీరంలోని కణాలను నష్టం నుంచి రక్షిస్తుందని అంటున్నారు. అలాగే చిన్న వయసులో వచ్చే వృద్ధాప్యాన్ని నిరోధించడానికి, కొన్ని రకాల క్యాన్సర్‌లను నివారించడానికి సహాయపడుతుందని అంటున్నారు.
- మెదడు ఆరోగ్యానికి మంచిది: పసుపు మెదడులోని నరాల కణాలను రక్షిస్తుందని, అల్జీమర్స్ వ్యాధి వచ్చే ప్రమాదాన్ని తగ్గిస్తుందని అంటున్నారు.
- జీర్ణ వ్యవస్థకు మంచిది: పసుపు జీర్ణక్రియను మెరుగుపరుస్తుందని అంటున్నారు. అలాగే పేగులలోని మంచి బ్యాక్టీరియాను పెంచుతుందని.. ఇది IBS (Irritable Bowel Syndrome) వంటి జీర్ణ సమస్యలకు చికిత్సలో ఉపయోగపడుతుందని చెబుతున్నారు.
పసుపు సప్లిమెంట్స్ ఎవరు తీసుకోకూడదు: పసుపు సప్లిమెంట్స్ను అన్ని వయసుల వారు తీసుకోవచ్చని నిపుణులు అంటున్నారు. అయితే గర్భవతులు, పాలిచ్చే తల్లులు, కీమోథెరపీ చేయించుకుంటున్నవారు, కొన్ని రకాల మందులు వాడే వారు వైద్యుని సలహా మేరకు తీసుకోవడం మంచిదంటున్నారు.
NOTE: ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ, వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.
కూరల్లో పసుపు వేస్తున్నారా? అతిగా వాడితే అనేక వ్యాధులు వస్తాయట జాగ్రత్త! మరి ఎంత వేయాలి?
మీరు ఉపయోగించే "పసుపు" స్వచ్ఛమైనదేనా ? - ఓ సారి ఇలా చెక్ చేసి తెలుసుకోండి!
