లంచం తీసుకొని భూమి పట్టా చేయలేదని వీఆర్వోను నిలదీసిన రైతు

భూమి పట్టా చేసేందుకు లంచం తీసుకొన్న గ్రామ రెవెన్యూ అధికారిని మహబూబాబాద్ జిల్లా తొర్రూరు తహసీల్దార్​ కార్యాలయంలో రైతు నిలదీశారు.

మహబూబాబాద్​ జిల్లా తొర్రూరు మండలం సోమారపుకుంట తండాకు చెందిన భాస్కర్​ అనే రైతు వీఆర్వోను నిలదీశారు. భూమి పట్టా చేస్తానని గతంలో వీఆర్వోగా పనిచేసిన వెంకటసోములు 26వేలు లంచం తీసుకున్నాడు. తర్వాత వేరే గ్రామానికి బదిలీ అయ్యాడు. భూమి పట్టా కోసం వచ్చిన భాస్కర్​కు వీఆర్వో తహసీల్దార్​ కార్యాలయంలో తారసపడగా ఎందుకు చేయలేదని నిలదీశాడు.

ఇదీ చూడండి: పసిపిల్లలపై అకృత్యాలకు పాల్పడ్డ మృగాడి అరెస్టు