కుమురం భీం జిల్లా కాగజ్నగర్ పట్టణంలో లాక్డౌన్ నిబంధనలు పట్టించుకోకుండా వ్యాపారం నిర్వహిస్తున్న రెండు దుకాణాలపై పోలీసులు కేసులు నమోదు చేశారు. రాష్ట్ర వ్యాప్తంగా అమలవుతోన్న లాక్డౌన్ సమయంలో ఉదయం 6 గంటల నుంచి 10 గంటల వరకు వ్యాపార నిర్వహణకు అనుమతి ఇచ్చారు. అయితే కొంతమంది వ్యాపారులు 10 గంటల తర్వాత షట్టర్లు మూసివేసి నిబంధనలకు విరుద్ధంగా చాటుగా వ్యాపారం కొనసాగిస్తున్నారు.
కాగజ్నగర్ పట్టణంలోని స్వప్న షాపింగ్ మాల్, భాగ్యలక్ష్మి క్లాత్ స్టోర్ దుకాణం నిబంధనలకు విరుద్ధంగా నడుపుతున్నందున ఎస్.ఐ.వెంకటేశ్ కేసు నమోదు చేశారు. లాక్డౌన్ సమయంలో నియమాలు ఉల్లంఘిస్తే చట్టరిత్యా చర్యలు తప్పవని పోలీసులు హెచ్చరించారు.
ఇదీ చూడండి: కరోనా కష్టాలు: మాటలే.. చేతలేవి!
