ఎలాంటి ఆస్తి వివాదాలకు తావులేకుండా చేసేందుకే..

వ్యవసాయేతర ఆస్తులపై ఎలాంటి వివాదాలు, సమస్యలకు తావులేకుండా చేసేందుకు సర్వే చేపట్టినట్లు మంత్రి పువ్వాడ అజయ్ స్పష్టంచేశారు. దేవాలయ, వక్ఫ్, ఎన్​ఎస్పీ భూములు, చెరువు శిఖం భూముల్లో నివాసం ఉన్న వారి వివరాలు సేకరించి ప్రభుత్వానికి అందించనున్నట్లు చెప్పారు.

వ్యవసాయేతర ఆస్తుల గణన ద్వారా ప్రతి పేదవాడికి శాశ్వత ఆస్తిహక్కు కల్పించడమే ప్రభుత్వ ధ్యేయమని రవాణా శాఖ మంత్రి పువ్వాడ అజయ్ స్పష్టంచేశారు. వ్యవసాయ భూముల సర్వే ద్వారా రైతులందరికీ పాసుపుస్తకాలు అందజేసి.. ముఖ్యమంత్రి కేసీఆర్​ దేశంలోనే సరికొత్త చరిత్ర సృష్టించారన్నారు. ఆస్తుల గణన ద్వారా వ్యవసాయేతర భూముల హక్కుదారులకు మెరూన్ కలర్ పాసుపుస్తకాలు అందిస్తామన్నారు. భవిష్యత్​లో వ్యవసాయేతర ఆస్తులపై ఎలాంటి వివాదాలు, సమస్యలకు తావులేకుండా చేసేందుకు వ్యవసాయేతర ఆస్తుల సర్వే చేపట్టినట్లు తెలిపారు. సింగరేణి భూములు, అటవీ చట్టం అమల్లో ఉన్న భూములు గిరిజనేతరులే చేతుల్లో ఉంటే వారి వివరాలు కూడా సేకరించనున్నట్లు వెల్లడించారు.

దేవాలయ, వక్ఫ్, ఎన్​ఎస్పీ భూములు, చెరువు శిఖం భూముల్లో నివాసం ఉన్న వారి వివరాలు సేకరించి ప్రభుత్వానికి అందించనున్నట్లు చెప్పారు. అనంతరం ప్రభుత్వం నిర్ణయం ప్రకారం నిర్ణయం తీసుకుంటామన్నారు.

అనంతరం కలెక్టర్​ ఆర్​.వీ.కర్ణన్​ జన్మదినం సందర్భంగా సమావేశ మందిరంలోనే కేక్​ కోయించిన మంత్రి అజయ్​.. శుభాకాంక్షలు తెలిపారు.

ఇవీచూడండి: ఐటీ ఉద్యోగం వదిలేశాడు.. సాగులో లాభాలు ఆర్జిస్తున్నాడు!