'సింగ్ ఈజ్ కింగ్': చరిత్ర సృష్టించిన అర్షదీప్- టీ20ల్లో ఆల్​టైమ్ రికార్డ్​

అర్షదీప్ అరుదైన రికార్డు- అత్యధిక వికెట్లు తీసిన బౌలర్​గా ఘనత

Arshdeep Singh T20 Record : టీమ్ఇండియా యంగ్ పేసర్ అర్షదీప్ సింగ్ కెరీర్​లో అద్భుత రికార్డ్ సృష్టించాడు. టీ20ల్లో భారత్ తరఫున అత్యధిక వికెట్లు పడగొట్టిన బౌలర్​గా ఘనత సాధించాడు. కోల్​కతా ఈడెన్ గార్డెన్స్ వేదికగా ఇంగ్లాండ్​తో జరుగుతున్న తొలి టీ20లో అర్షదీప్ ఈ రికార్డు సాధించాడు. 2.5 ఓవర్ వద్ద బెన్ డకెట్​ను పెవిలియన్ పంపిన అర్షదీప్ ఈ మైలురాయి అందుకున్నాడు. ఈ క్రమంలో స్పిన్నర్ యుజ్వేంద్ర చాహల్ (96 వికెట్లు)ను అధిగమించాడు. ప్రస్తుతం అర్షదీప్ 61 మ్యాచ్​ల్లో 97 వికెట్లు నేలకూల్చాడు.

భారత్ తరఫున టీ20ల్లో అత్యధిక వికెట్లు పడగొట్టిన బౌలర్లు

• అర్షదీప్ సింగ్ - 97 వికెట్లు (61 మ్యాచ్​లు)
• యుజ్వేంద్ర చాహల్ - 96 వికెట్లు (80 మ్యాచ్​లు)
• భువనేశ్వర్ కుమార్- 90 వికెట్లు (87 మ్యాచ్​లు)
• జస్ప్రీత్ బుమ్రా - 89 వికెట్లు (70 మ్యాచ్​లు)
• హార్దిక్ పాండ్య - 89 వికెట్లు (110 మ్యాచ్​లు)

ఇక మ్యాచ్ విషయానికొస్తే, ఇంగ్లాండ్ నిర్ణీత 20 ఓవర్లలో 132 పరుగులకు ఆలౌటైంది. కెప్టెన్ జాస్ బట్లర్ (68 పరుగులు, 44 బంతుల్లో) ఒక్కడే హాఫ్ సెంచరీ నమోదు చేశాడు. మిగతా బ్యాటర్లంతా భారత బౌలర్ల ముందు నిలవలేకపోయారు. ఫిల్ సాల్ట్ (0), బెన్ డకెట్ (4), లివింగ్​స్టోన్ (0), జకొబ్ బెతేల్ (7) జిమ్మి ఓవెటన్ (7) వరుసగా విఫలమయ్యారు. తొలుత అర్షదీప్ సింగ్ వికెట్ల వేట ప్రారంభించగా, తర్వాత వరుణ్ చక్రవర్తి బ్రేక్ ఇచ్చాడు.

Arshdeep Singh 🤝 Rinku Singh

Second success with the ball for #TeamIndia! 👍 👍

Follow The Match ▶️ https://t.co/4jwTIC5zzs

#INDvENG | @IDFCFIRSTBank pic.twitter.com/UyEHmitcCB

— BCCI (@BCCI) January 22, 2025

ఇన్నింగ్స్ మూడో ఓవర్​కే రెండు వికెట్లు కోల్పోయినా, ఇంగ్లాండ్ దూకుడుగా ఆడింది. ఈ క్రమంలో 7 ఓవర్లకే జట్టు స్కోర్ 60 దాటింది. ఇక ఎనిమిదో ఓవర్లో వరుణ్, హ్యారీ బ్రూక్ (17 పరుగులు), లివింగ్ స్టన్ (0)ను క్లీన్ బౌల్డ్ చేసి ఇంగ్లాండ్​ను దెబ్బ కొట్టాడు. ఆ తర్వాచ అక్షర్ లైన్​లోకి వచ్చాడు. ఇలా టీమ్ఇండియా కట్టుదిట్టంగా బౌలింగ్ చేసి ప్రత్యర్థిని స్వల్ప స్కోర్​కే పరిమితం చేసింది. వరుణ్​కు 3 వికెట్లు దక్కగా, అర్షదీప్ , హార్దిక్ పాండ్య , అక్షర్ పటేల్ తలో 2 వికెట్లు పడగొట్టారు.

Innings Break!

A fantastic bowling performance from #TeamIndia! 👌 👌

3⃣ wickets for Varun Chakaravarthy
2⃣ wickets each for Arshdeep Singh, Axar Patel & Hardik Pandya

Over to our batters now! 👍 👍

Scorecard ▶️ https://t.co/4jwTIC5zzs#INDvENG | @IDFCFIRSTBank pic.twitter.com/FR7hcacPsH

— BCCI (@BCCI) January 22, 2025