'వారికి సాయం చేయడం దైవసేవతో సమానం'

మానసిక దివ్యాంగులకు సేవచేయడం దైవసేవతో సమానమని ఖమ్మం జిల్లా మధిరలోని వసంతమ్మ సేవాసదనం ప్రిన్సిపాల్​ స్వర్ణలత అన్నారు. మధిరలోని మానసిక దివ్యాంగుల సేవాసదన్​కు నెలకు సరిపడా నిత్యావసర సరకులు అందజేశారు.

ఖమ్మం జిల్లా మధిరలోని మానసిక దివ్యాంగుల సేవాసదన్​లో యార్లగడ్డ శోభన్​ రావు వర్ధంతి నిర్వహించారు. ఈ సందర్భంగా యార్లగడ్డ కుటుంబ సభ్యులు.. అన్న ఫౌండేషన్ ఛైర్మన్ మేళం శ్రీనివాస్​ యాదవ్​ చేతుల మీదుగా మానసిక దివ్యాంగులకు నెలకు సరిపడా నిత్యావసర సరకులు అందజేశారు.

సరకుల కొనుగోలుకు ఆర్థిక సాయం చేసిన శోభన్​ రావు కుటుంబ సభ్యులు కీర్తి చౌదరి, మౌనిక, వర్ణిక, తన్మయి రిషిలను శ్రీనివాస్ యాదవ్ అభినందించారు. అనంతరం మానసిక దివ్యాంగుల సేవాసదన్​లో అన్నదానం నిర్వహించారు.

• ఇదీ చూడండి : తెలంగాణలో మరో 1,724 కరోనా కేసులు, 10 మంది మృతి