కలెక్టర్ కార్యాలయానికి షాక్

బకాయి చెల్లించలేదని కలెక్టర్ కార్యాలయానికి కరెంట్ కట్ చేశారు. విద్యుత్ నిలిచిపోవటం వల్ల కొందరు అధికారులు ఇంటికి వెళ్లిపోయారు. ప్రజలు చేసేది లేక నిరాశతో వెనుతిరిగారు.

కరీంనగర్​ జిల్లా కలెక్టర్ కార్యాలయానికి విద్యుత్ అధికారులు షాకిచ్చారు. 50లక్షల బకాయి ఉండటంతో కరెంట్​ కట్ చేశారు. విద్యుత్ సరఫరా నిలిచిపోవటం వల్ల కొందరు అధికారులు ఇంటికి వెళ్లిపోయారు. ఇంకొందరు ఫోన్లలో గేమ్స్ అడుకున్నారు. మరికొందరు కొద్దిపాటి వెలుతురులో పని చేస్తూ కనిపించారు. కలెక్టర్​ కార్యాలయానికి వచ్చిన ప్రజలు చేసేది లేక నిరాశతో వెనుతిరిగారు.