Paneer Shawarma Recipe in Telugu : పనీర్తో ఏం చేసినా ఇంటిల్లిపాదీ చాలా ఇష్టంగా తింటుంటారు. రోటీ, పులావ్‌, బిర్యానీ ఇలా దేనికైనా పనీర్తో చేసే వంటకాలు పర్ఫెక్ట్గా కాంబినేషన్గా నిలుస్తాయి. మీరూ ఇప్పటి వరకు పనీర్తో రకరకాల రెసిపీలు ట్రై చేసి ఉంటారు. అయితే, ఎప్పుడూ రొటీన్వే కుండా ఓసారి కాస్త వెరైటీగా ఇలా "పనీర్ షావర్మా"ను ప్రయత్నించి చూడండి. ఇంట్లోనే సులభంగా చేసుకునే ఈ షావర్మా చాలా టేస్టీగా ఉంటుంది. పిల్లల నుంచి పెద్దల వరకు అందరూ ఎంతో ఇష్టంగా తింటారు! మరి, ఈ రెసిపీకి కావాల్సిన పదార్థాలేంటి? ఎలా ప్రిపేర్ చేసుకోవాలి? అనే వివరాలు ఇప్పుడు చూద్దాం.
కావాల్సిన పదార్థాలు :
- మైదా - రెండున్నర కప్పులు
- యాక్టివ్ డ్రై ఈస్ట్ - ఒకటిన్నర టేబుల్స్పూన్లు
- ఉప్పు - రుచికి సరిపడా
- పంచదార - ఒక టీస్పూన్
- నూనె - 2 టీస్పూన్లు
స్టఫింగ్ కోసం :
- పనీర్ - 300 గ్రాములు
- పెరుగు - 1 టేబుల్స్పూన్
- బార్బెక్యూ సాస్ - ఒకటిన్నర టేబుల్స్పూన్లు
- అల్లంవెల్లుల్లి పేస్ట్ - 1 టీస్పూన్
- కారం - 1 టీస్పూన్
- ఉప్పు - రుచికి సరిపడా
- వేయించిన జీలకర్ర పొడి - అరటీస్పూన్
- మిరియాల పొడి - అరటీస్పూన్
- నిమ్మరసం - 1 టీస్పూన్
- గరంమసాలా - అరటీస్పూన్
- బీట్రూట్స్ - 2
- క్యాప్సికం - 2
- వెనిగర్ - తగినంత
- ఉల్లిపాయ - 1(పెద్ద సైజ్ది)
- పచ్చిమిర్చి - 4
- చక్కెర - 1 టీస్పూన్
- కీరదోసకాయ - 1
- మయోనైజ్ - అరకప్పు
- చల్లని పెరుగు - ముప్పావు కప్పు
- వెల్లుల్లి రెబ్బలు - 3
- లెట్యూస్ ఆకులు - కొన్ని
తయారీ విధానం :
- ముందుగా ఒక మిక్సింగ్ బౌల్లో మైదా, యాక్టివ్ డ్రై ఈస్ట్, పంచదార, ఉప్పు, నూనె వేసుకొని ఒకసారి మొత్తం కలిసేలా చక్కగా కలుపుకోవాలి.
- ఆ తర్వాత తగినన్ని గోరువెచ్చని వాటర్ యాడ్ చేసుకుంటూ పిండిని కాస్త సాఫ్ట్గా కలుపుకొని పక్కన పెట్టుకోవాలి. అంటే, పిండి కాస్త స్టిక్కీగా, జిగురుగా ఉండాలని గుర్తుంచుకోవాలి. ఆవిధంగా పిండిని ప్రిపేర్ చేసుకున్నాక దాన్ని ఒక గంటపాటు పక్కనుంచాలి.
- ఈలోపు స్టఫింగ్ని ప్రిపేర్ చేసుకోవాలి. ఇందుకోసం ముందుగా పనీర్ బ్లాక్ని తీసుకొని పావు ఇంచు మందంతో సన్నని స్లైసులుగా కట్ చేసుకొని పక్కన పెట్టుకోవాలి.
- ఇప్పుడు ఒక మిక్సింగ్ బౌల్లో పెరుగు, బార్బెక్యూ సాస్, అల్లంవెల్లుల్లి పేస్ట్, అరటీస్పూన్ కారం, ఉప్పు, వేయించిన జీలకర్ర పొడి, మిరియాల పొడి, నిమ్మరసం, గరంమసాలా వేసి బాగా మిక్స్ చేసుకోవాలి. ఆ తర్వాత అందులో కట్ చేసుకున్న పనీర్ స్లైసులను వేసి బాగా కోట్ చేసి పావుగంట పాటు పక్కనుంచాలి.
- అనంతరం స్టౌపై ఒక గిన్నె పెట్టి వాటర్ పోసి అందులో స్టీమింగ్ ప్లేట్ ఉంచాలి. ఆపై దానిలో సన్నని స్ట్రిప్స్ మాదిరిగా కట్ చేసుకున్న బీట్రూట్, క్యాప్సికం ముక్కలు వేసి మూతపెట్టి హై ఫ్లేమ్ మీద 3 నుంచి 4 నిమిషాల పాటు స్టీమ్ చేసుకోవాలి.
- ఆ తర్వాత మరో బౌల్లో పావు కప్పు వెనిగర్, పావు కప్పు వాటర్ యాడ్ చేసుకొని అందులో కుక్ చేసుకున్న బీట్రూట్ ముక్కలు వేసి అరగంట పాటు నాననివ్వాలి.
- ఇప్పుడు మరో మిక్సింగ్ బౌల్ తీసుకొని అందులో సన్నగా కట్ చేసుకున్న ఉల్లిపాయ చీలికలు, పొడవుగా, సన్నగా తరుకున్న పచ్చిమిర్చి చీలికలు, 2 టేబుల్స్పూన్ల వెనిగర్, అరటీస్పూన్ సాల్ట్, పంచదార, చెక్కు తీసి ఫ్రెంచ్ ప్రైస్ మాదిరిగా కట్ చేసుకున్న కీర దోస ముక్కలు, ముప్పావు కప్పు వాటర్ వేసుకొని బాగా కలిపి దీన్ని కూడా 30 నిమిషాల పాటు నానబెట్టాలి.
- అనంతరం గ్రిల్ పాన్ మీద ముందుగా కోట్ చేసి పక్కన పెట్టుకున్న పనీర్ స్లైసులను ఉంచి మీడియం ఫ్లేమ్ మీద గ్రిల్ చేసుకోవాలి. రెండు వైపులా క్రిస్పీగా అయ్యాక తీసి పక్కనుంచాలి.
- ఆ తర్వాత మరో గిన్నెలో మయోనైజ్, గడ్డ పెరుగు, 1 టీస్పూన్ జీలకర్ర పొడి, సన్నని వెల్లుల్లి తరుగు, కొద్దిగా ఉప్పు, పావుటీస్పూన్ కారం వేసుకొని తరకలుగా లేకుండా మిశ్రమాన్ని బాగా కలుపుకొని పక్కన పెట్టుకోవాలి.
- ఇప్పుడు గంటసేపు నానబెట్టిన పిండిని తీసుకొని మరోసారి చేతితో బాగా వత్తుకొని సమాన ఉండలుగా చేసుకోవాలి.
- ఆపై చపాతీ పీటపై కొద్దిగా పొడి పిండిని వేసుకొని కాస్త మందంగా ఉండేలా చపాతీలా రోల్ చేసుకోవాలి.
- అనంతరం స్టౌపై దోశ పెనం పెట్టుకొని వేడి చేసుకోవాలి. పెనం వేడయ్యాక రోల్ చేసుకున్న చపాతీని వేసి చక్కగా కాల్చుకోవాలి. అలా అన్ని రోటీలను కాల్చుకొని పక్కన పెట్టుకోవాలి.
- ఆ తర్వాత చల్లారిన గ్రిల్డ్ పనీర్ స్లైస్లను స్ట్రిప్స్ మాదిరిగా కట్ చేసుకోవాలి. అలాగే అరగంటపాటు నానిన ఉల్లిపాయ, బీట్రూట్ ముక్కల్లోని వాటర్ వడకట్టి పక్కనపెట్టుకోవాలి.
- ఇప్పుడు కాల్చుకున్న ఒక రోటీని తీసుకొని ఒక టేబుల్స్పూన్ పెరుగు మిశ్రమం వేసి మొత్తం స్ప్రెడ్ చేసుకోవాలి. ఆపై రెండు, మూడు లెట్యూస్ ఆకులు రోటీపై ఉంచి పనీర్ స్ట్రిప్స్ సర్దుకోవాలి. ఆ తర్వాత కొన్ని బీట్రూట్, క్యాప్సికం ముక్కలు, వడకట్టుకున్న ఉల్లి, కీర ముక్కలు చక్కగా సర్దుకొని వాటన్నింటిపై కొద్దిగా పెరుగు మిశ్రమం వేసుకోవాలి.
- ఇలా అన్నీ సర్దుకున్నాక రోటీతో స్టఫింగ్ని గట్టిగా లోపలికి తోస్తూ రోల్ చేయాలి. అప్పుడు షావర్మా పర్ఫెక్ట్గా, స్టిఫ్గా ఉంటుంది. రోల్ చేసుకున్నాక బటర్ పేపర్ చుట్టుకొని అంచుల్నీ ముడిచేస్తే చాలు. అంతే, ఎంతో రుచికరంగా ఉండే "పనీర్ షావర్మా" రెడీ!
