'కరీంనగర్ నగర అభివృద్ధికి సీఎం ప్రత్యేక శ్రద్ధ చూపిస్తున్నారు'

కరీంనగర్​ నగర అభివృద్ధికి ప్రజలు సహకరించాలని మేయర్ సునీల్​రావు పేర్కొన్నారు. పట్టణంలో పలు అభివృద్ధి పనులకు ఆయన భూమి పూజ చేశారు.

కరీంనగర్ నగర అభివృద్ధికి ముఖ్యమంత్రి కేసీఆర్ ప్రత్యేక శ్రద్ధ చూపిస్తున్నారని మేయర్ సునీల్​రావు పేర్కొన్నారు. పట్టణంలోని 16వ డివిజన్​లో భూగర్భ డ్రైనేజీ, సీసీ రోడ్ల నిర్మాణానికి కార్పొరేటర్ బోనాల శ్రీకాంత్​తో కలిసి భూమి పూజ చేశారు.

ఈ సందర్భంగా కాలనీకి వెళ్లే రోడ్డు ఇరుకుగా ఉన్నందున ప్రజలు తీవ్ర ఇబ్బందులు ఎదుర్కొంటున్నారని కార్పొరేటర్ సునీల్​రావు దృష్టికి తీసుకురాగా.. రోడ్లు విస్తరించే పనులు చేపడుతున్నామని.. త్వరలోనే 16వ డివిజన్​లోనూ చేపడతామని తెలిపారు. నగర అభివృద్ధికి ప్రజలు సహకరించాలని కోరారు. ఎండాకాలం సమీపిస్తున్న దృష్ట్యా తాగునీటి సమస్య తలెత్తకుండా చర్యలు తీసుకుంటామని భరోసా ఇచ్చారు.

'కరీంనగర్ నగర అభివృద్ధికి సీఎం ప్రత్యేక శ్రద్ధ చూపిస్తున్నారు'