నగరంలోని రహదారుల పక్కన నిర్మించిన పాదచారుల బాటను ఆక్రమిస్తే ఇక నుంచి బాదుడు తప్పదని కరీంనగర్ మేయర్ సునీల్ రావు అన్నారు. నగరంలోని గీతాభవన్ చౌరస్తా నుంచి కరీంనగర్ డెయిరీ వరకు ఆక్రమించిన పాదచారుల నడకదారులను ఖాళీ చేయాలని మేయర్ వ్యాపారస్తులను కోరారు.
మూడు రోజుల పాటు క్యాంపు నిర్వహించి అవగాహన కల్పిస్తామని ఆయన తెలిపారు. వ్యాపారస్తులు సహకరించపోతే ఆన్లైన్లో అపరాధ రుసుము వసూలు చేయడానికి ఏర్పాట్లు చేస్తామని ఆయన వెల్లడించాకరు. ఇప్పటికైనా దుకాణ యజమానులు నగరపాలక సంస్థ నియమాలను పాటించాలని సునీల్ రావు స్పష్టం చేశారు.
