అర్థరాత్రి వచ్చాడు, విన్యాసాలు చేశాడు, వెళ్లిపోయాడు - ఎందుకో తెలుసా?

ఓ దొంగ ఎంత ప్రయత్నించినా తెరచుకోని తలుపులు - అంగన్​వాడి టీచర్ ఇంట్లో దొంగతనం చేద్దామనుకుని హుషారుగా వెళ్లిన దుండగుడు - ఎవరూ లేని సమయంలో చోరీకి విఫల యత్నం

A Man Attempted For Theft in Chatanpally : రంగారెడ్డి జిల్లా షాద్​నగర్ పరిధిలోని చటాన్​పల్లిలో అంగన్వాడీ టీచర్​గా పనిచేస్తున్న పద్మ అనే మహిళా ఇంట్లో దొంగతనం చేయడానికి ఓ రాత్రంతా ముప్పుతిప్పలు పడ్డాడు. దత్తాత్రేయ గుడి సమీపంలో సోమవారం జనవరి 27న తెల్లవారు జామున 5 గంటలకు గుర్తు తెలియని వ్యక్తి పద్మ ఇంట్లోకి చొరబడడానికి తీవ్ర ప్రయత్నం చేశాడు. ఎంతకీ తలుపులు తెరచుకోకపోవడంతో వెనుదిరిగి వెళ్లిపోయాడు.

వివరాల్లోకి వెళ్తే : ఆదివారం (జనవరి 26న) అంగన్​వాడీ టీచర్ పద్మ తన భర్త విక్రమ్​కు అనారోగ్యం కారణంగా చికిత్స చేయించడానికి హైదరాబాద్​లోని ఆసుపత్రికి వెళ్లారు. వారు వెళ్లి రావడానికి రెండు రోజుల సమయం పట్టింది. సోమవారం (జనవరి 27న) తెల్లవారు జామున తమ ఇంటికి వచ్చి చూసే సరికి తలుపు తాళం సగం విరిగి ఉండడం వారికి కనిపించింది.

సీసీటీవీ ఫుటేజీలో దృశ్యాలు : సీసీ కెమెరాలను తనిఖీ చేయగా దొంగ తమ ఇంట్లోకి ప్రహరి గోడ దూకి అక్రమంగా ప్రవేశించి తలుపుకున్న తాళాన్ని విరగొట్టడానికి నానా తంటాలు పడిన దృశ్యాలు వెలుగు చూశాయి. తాళం తీయలేకపోవడంతో చోరీ జరగలేదు. పాపం ఆ దొంగ తాళం తీసేందుకు నానా తంటాలు పడ్డాడు. సీసీ ఫుటేజ్ చూసిన తరువాత ఇంటి యజమాని విక్రమ్ జరిగిన ఘటనపై పోలీసులకు ఫిర్యాదు చేశారు. దొంగలు ఈ ప్రాంతంలో చోరీ చేయడానికి పోలీసులు పెట్రోలింగ్ నిర్వహించాలని ఆ కాలనీ వాసులు కోరుతున్నారు.