'భాజపా రాజ్యాంగ ఉల్లంఘనకు పాల్పడుతోంది'

భాజపా వివాదాస్పద బిల్లులను ప్రోత్సహిస్తుందని సీపీఐ రాష్ట్ర కార్యదర్శి చాడ వెంకట్​రెడ్డి ఆరోపించారు. ఇది రాజ్యాంగ ఉల్లంఘన అని మండిప్డడారు. సమాచార హక్కులు తన గుప్పిట్లో ఉంచుకునేందుకే 35 బిల్లులు ఆమోదించారని ధ్వజమెత్తారు.

భాజపా ప్రభుత్వము వివాదాస్పద బిల్లులను ప్రోత్సహిస్తూ రాజ్యాంగ ఉల్లంఘనకు పాల్పడుతున్నారని సీపీఐ రాష్ట్ర కార్యదర్శి చాడ వెంకట్​ రెడ్డి ఆరోపించారు. కరీంనగర్​లోని పార్టీ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు. సమాచార హక్కులు తన గుప్పిట్లో ఉంచుకునేందుకు 35 బిల్లులను ప్రవేశపెట్టి ఆమోదించుకోవడం రాజ్యాంగ ఉల్లంఘన కిందికి వస్తుందన్నారు. తెలంగాణలో రాబోయే రోజుల్లో భాజపా అధికారంలోకి వస్తుందని.. ఆ పార్టీ జాతీయ కార్యనిర్వాహక అధ్యక్షుడు నడ్డా చేసిన వ్యాఖ్యలను ఆయన తిప్పికొట్టారు. ముఖ్యమంత్రి కేసీఆర్ అసమర్థ పాలన వైఫల్యం వల్లే భాజపా కి అవకాశం దొరుకుతుందన్నారు.

ఇవీ చూడండి : 71గొర్రెలకు భార్యను ప్రియునికి అమ్మేసి మోసపోయాడు!