కామారెడ్డి జిల్లా నాగిరెడ్డిపేట మండలంలోని పోచారం ప్రాజెక్టు గరిష్ఠ స్థాయి నీటి మట్టానికి చేరుకుంది. ఎగువ ప్రాంతాల్లో వర్షాలు తగ్గుముఖం పట్టిన నేపథ్యంలో ప్రాజెక్టులోకి 930 క్యూసెక్కుల మేర స్వల్ప ప్రవాహం కొనసాగుతోంది.
నిండు కుండలా పోచారం...
కొద్ది రోజులుగా స్థానికంగా కురిసిన భారీ వర్షాల నేపథ్యంలో ప్రాజెక్టులో నీటి మట్టం పూర్థిస్థాయికి చేరింది. ఈ సందర్భంగా డ్యాం గేట్లపై నుంచి అలుగు పోస్తోంది. జహీరాబాద్ ఎంపీ బీబీ పాటిల్ ప్రధాన కాలువ గేట్లు ఎత్తి నీటిని దిగువకు వదిలారు. 104 క్యూసెక్కుల నీరు జలాశయం ఆయకట్టు పరిధిలోని పంట పొలాలకు వెళ్తోంది.
