అక్కడ గాంధీ విగ్రహానికి మాస్క్ కట్టారు

రోజు రోజుకి కరోనా ఉద్ధృతి పెరుగుతోంది. అయినప్పటికి పలు చోట్ల ప్రజలు లాక్​డౌన్​ నిబంధనలు పాటించడం లేదు. నిత్యం రోడ్లపైకి రావడం.. విచ్చలవిడిగా తిరగడం చేస్తున్నారు. ఇటీవల కేంద్రం రాష్ట్ర ప్రభుత్వాలు విడుదల చేసిన నిధుల కేసం బ్యాంకుల వద్ద పెద్ద ఎత్తున భౌతిక దూరం పాటించకుండా చేరారు. ఈ నేపథ్యంలో ప్రజలకు అవగాహన కోసం స్టేషన్ ఘన్​పూర్​లో గాంధీ విగ్రహానికి మాస్కు కట్టి కరోనాపై ప్రచారం చేస్తున్నారు.

జనగామ జిల్లాలో కొవిడ్​​-19పై వినూత్నంగా ప్రచారం నిర్వహిస్తున్నారు. ప్రజలందరూ కరోనా నిబంధనలు పాటించే విధంగా స్టేషన్ ఘన్​పూర్​లో మహాత్ముడి విగ్రహానికి మాస్క్ కట్టారు.

కొంత మంది యువకులు మహాత్ముని విగ్రహం మూఖానికి మాస్కు కట్టి కరోనా వైరస్ పట్ల ప్రజలకు అవగాహన కల్పిస్తున్నారు. ప్రతి ఒక్కరూ విధిగా మాస్కులు ధరించాలని అర్థమయ్యే విధంగా ప్రచారం చేస్తున్నట్లు చెబుతున్నారు.

ఇదీ చూడండి : 200 కుటుంబాలకు తెరాస యువనాయకుల సాయం