Shami Comeback : టీమ్ఇండియా ఫ్యాన్స్కు గుడ్న్యూస్. సీనియర్ పేసర్ మహ్మద్ షమీ జాతీయ జట్టులోకి రీ ఎంట్రీ ఇవ్వనున్నాడు. జనవరి 22 నుంచి ఇంగ్లాండ్తో జరగనున్న టీ20 సిరీస్కు బీసీసీఐ భారత జట్టును ఎంపిక చేసింది. ఈ జట్టులో సెలక్టర్లు షమీకి చోటు కల్పించారు. కెప్టెన్ సూర్యకుమార్ నాయకత్వంలో, 15మంది సభ్యులతో కూడిన జట్టును బీసీసీఐ ప్రకటించింది.
ఇక 2023 వరల్డ్కప్లో గాయపడ్డ షమీ ఆ తర్వాత టీమ్ఇండియాకు దూరమయ్యాడు. కొంత కాలం ఎన్సీఏలో కోలుకున్నప్పటికీ పూర్తి స్థాయి ఫిట్నెస్ సాధించనందున సెలక్టర్లు ఎంపిక చేయలేదు. ఇక ఇటీవల కాలంలో షమీ సయ్యద్ ముస్తాక్ అలీ, విజయ్ హరారే టోర్నీల్లో రాణించి సెలక్టర్ల దృష్టిలో పడ్డాడు. దీంతో షమీ ఎదురు చూపులకు ఎండ్ కార్డ్ పడింది. కాగా, దాదాపు 14నెలల తర్వాత షమీ ఈ సిరీస్తో టీమ్ఇండియా తరపున బరిలోకి దిగనున్నాడు.
మళ్లీ నిరాశే
యంగ్ ప్లేయర్ ఇషాన్ కిషన్కు మళ్లీ నిరాశే మిగిలింది. ఈ సిరీస్తో అయినా టీమ్ఇండియాలో రీ ఎంట్రీ ఇస్తాడని అనుకున్నా సెలక్టర్లు అతడికి మొండిచేయి చూపారు. 2023 డిసెంబర్లో ఇషాన్ కిషన్ టీమ్ఇండియా తరఫున ఆఖరి మ్యాచ్ ఆడాడు. ఇక 2025 ఐపీఎల్కు గాను అతడిని సన్రైజర్స్ హైదరాబాద్ వేలంలో రూ.11.40 కోట్లకు కొనుగోలు చేసింది.
వాళ్లకూ నో ఛాన్స్
స్టార్ ప్లేయర్ రిషభ్ పంత్, శివమ్ దూబేను కూడా సెలక్టర్లు దూరం పెట్టారు. పంత్ స్థానంలో శాంసన్, ధ్రువ్ జురెల్ వికెట్ కీపర్లుగా ఎంపిక అయ్యారు. ఇక దూబేకు బదులుగా ఇటీవల బోర్డర్ గావస్కర్లో అదరగొట్టిన తెలుగు తేజం నితీశ్ రెడ్డివైపే మేనేజ్మెంట్ మొగ్గు చూపింది.
ఆల్రౌండర్కు ప్రమోషన్
యువ ఆల్రౌండర్ అక్షర్ పటేల్కు ప్రమోషన్ లభించింది. ఈ సిరీస్లో అతడు వైస్ కెప్టెన్గా వ్యవహరించనున్నాడు. ఇక 5 టీ20, 3 వన్డే మ్యాచ్ల సిరీస్ కోసం ఇంగ్లాండ్ భారత్లో పర్యటించనుంది.
టీ20 సిరీస్కు భారత జట్టు : సూర్యకుమార్ యాదవ్ (కెప్టెన్), సంజూ శాంసన్ (వికెట్ కీపర్), అభిషేక్ శర్మ, తిలక్ వర్మ, హార్దిక్ పాండ్య, రింకు సింగ్, నితీశ్ కుమార్ రెడ్డి, అక్షర్ పటేల్ (వైస్ కెప్టెన్), హర్షిత్ రాణా, అర్షదీప్ సింగ్, మహ్మద్ షమీ, వరుణ్ చక్రవర్తి, రవి బిష్ణోయ్ , వాషింగ్టన్ సుందర్, ధ్రువ్ జురెల్ (వికెట్ కీపర్)
టీ20 సిరీస్ షెడ్యూల్
- తొలి టీ20- జనవరి 22- కోల్‌కతా
- రెండో టీ20- జనవరి 25- చెన్నై
- మూడో టీ20- జనవరి 28- రాజ్‌కోట్‌
- నాలుగో టీ20- జనవరి 31- పుణె
- ఐదో టీ20- ఫిబ్రవరి 2- ముంబయి
ఒక్క సెంచరీతో ఐదు రికార్డులు- తొలి భారత బ్యాటర్గా అరుదైన ఘనత
'వాళ్లిద్దరిని తీసుకోకపోవడం సిగ్గుచేటు' - BCCIపై క్రీడాభిమానుల ఆగ్రహం! - IND vs BAN T20 Squad
