గత ఆరు నెలలుగా జీతాలు లేక ఇబ్బందులు పడుతున్న ప్రైవేట్ ఉపాధ్యాయులకు మాజీ పీఏసీఎస్ ఛైర్మన్ ఇమ్మడి శ్రీనివాస్రెడ్డి నిత్యావసరాలను అందజేశారు. ఆయన కుమారుని జన్మదినం సందర్భంగా జనగామ జిల్లా కేంద్రంలో తెలంగాణ ప్రైవేట్ టీచర్స్ ఫోరమ్ ఆధ్వర్యంలో దాదాపు 200 మందికి పంపిణీ చేశారు.
కరోనా కష్టకాలంలో ఉపాధ్యాయులు అవస్థలు పడుతుండడంతో తనవంతుగా ఈ సహకారం అందిస్తున్నట్లు ఆయన తెలిపారు. ఆపద సమయంలో ఎవరు ఆత్మస్థైర్యం కోల్పోవద్దని విన్నవించారు. ఇదివరకే అమ్మ పౌండేషన్ ఆధ్వర్యంలో 300 మందికి అన్నదానం చేసినట్లు శ్రీనివాస్రెడ్డి పేర్కొన్నారు.
