జగిత్యాల జిల్లా బీర్పూర్ మండలం తాళ్ల ధర్మారం గ్రామానికి చెందిన తట్ర రాజం ఇటీవల మలేషియాలోని జోహార్ బారు ప్రాంతంలో అతను పనిచేసే చోట ప్రమాదానికి గురై మృతిచెందాడు. ఈ విషయాన్ని వాళ్ల గ్రామ సర్పంచ్ మహిపాల్ రెడ్డి, ఎంపీటీసీ రమేష్ మలేషియా తెలంగాణ అసోసియేషన్కు తెలియజేశారు. ఈ విషయం తెలుసుకున్న ప్రెసిడెంట్ సైదం తిరుపతి, వైస్ ప్రెసిడెంట్ బూరెడ్డి మోహన్ రెడ్డి, మైగ్రేట్ వింగ్ కోఆర్డినేటర్ ప్రతీక్ ఆసుపత్రికి వెళ్లి అతని పూర్తి సమాచారాన్ని తెలుసుకున్నారు. మలేషియాలోని ఇండియన్ ఎంబసీని సంప్రదించి అతని పార్థివ దేహాన్ని వారి గ్రామానికి చేరడానికి కావలిసిన పత్రాలను సేకరించారు. ఆ పత్రాలను మలేషియా హై కమిషన్కి ఇచ్చి వారితో సంప్రదింపులు జరిపి మృతదేహాన్ని హైదరాబాద్కు పంపేలా ఏర్పాట్లు చేశారు. తెలంగాణ ప్రభుత్వం వారి గ్రామం వరకు ఉచిత అంబులెన్సు సౌకర్యాన్ని కల్పించింది. మృతదేహం గ్రామానికి చేరుకుంది.
బతుకుదెరువు కోసం మలేషియా వచ్చిన తట్ర రాజంకు ఒక బిడ్డ, ఒక కొడుకు వున్నారు. వీరి కుటుంబం చాలా బీద కుటుంబం. అందరు ఈయన మీదనే ఆధారపడి జీవనం సాగిస్తున్నారు. ఇప్పుడు వాళ్ళ కుటుంబం పెద్ద దిక్కును కోల్పోయింది. తెలంగాణ ప్రభుత్వం ఇతని కుటుంబాన్ని ఏదో రకంగా ఆదుకోవాలని మలేషియా తెలంగాణ అసోసియేషన్ కోరింది.
ఇవీ చూడండి: మస్కట్ నుంచి 10నే వచ్చింది కానీ ఇప్పటికీ ఇంటికి రాలేదు!
