ఒకే ట్రిప్​లో యాదాద్రి, భద్రకాళి టెంపుల్​, రామప్ప దర్శనం - తక్కువ ధరకే తెలంగాణ టూరిజం ప్యాకేజీ!

-తక్కువ ధరకే రెండు రోజుల పాటు తెలంగాణ టూరిజం టూర్​ -హైదరాబాద్​ నుంచి ఆపరేట్​

Telangana Tourism Warangal Heritage Tour: చాలా మంది కుటుంబ బాధ్యతలు, పని ఒత్తిడి నుంచి ఉపశమనం పొందేందుకు పర్యాటక ప్రాంతాలకు టూర్ ప్లాన్ చేస్తుంటారు. ఫ్యామిలీ అండ్ ఫ్రెండ్స్​తో కలిసి టూర్స్​కు వెళ్లి ఎంజాయ్​ చేస్తుంటారు. మరి మీరు కూడా అలానే ఎంజాయ్​ చేయాలనుకుంటున్నారా? అయితే మీకోసం.. తెలంగాణ టూరిజం ఓ ప్యాకేజీని ప్రకటించింది. అది కూడా చాలా తక్కువ ధరలోనే హైదరాబాద్ నుంచి ఈ టూర్​ను ఆపరేట్ చేస్తోంది. ఇంతకీ.. ఆ ప్యాకేజీ ఏంటి? టికెట్ ధర ఎంత? అనే పూర్తి వివరాలు ఈ స్టోరీలో తెలుసుకుందాం.

తెలంగాణ టూరిజం.. "Hyderabad-Warangal-Kakatiya-Ramappa Heritage Tour" పేరుతో ఈ టూర్​ను ఆపరేట్ చేస్తోంది. ఈ టూర్​ మొత్తం రెండు రోజులు ఉంటుంది. ఈ టూర్​లో భాగంగా యాదాద్రితో పాటు ఉమ్మడి వరంగల్​ జిల్లాలోని ప్రముఖ పర్యటక ప్రాంతాలను సందర్శించవచ్చు.

ప్రయాణ వివరాలు చూస్తే:

ఫస్ట్​ డే:

• మొదటి రోజు ఉదయం 7 గంటలకు సికింద్రాబాద్​లోని IRO ఆఫీసు నుంచి టూర్​ మొదలవుతుంది.
• ఉదయం 8:30 గంటలకు భువనగిరి కోటకు చేరుకుంటారు. అక్కడ విజిట్​ చేసిన తర్వాత యాదగిరిగుట్టకు బయల్దేరుతారు.
• మార్నింగ్ 9:00 గంటలకు యాదగిరిగుట్టకు చేరుకుని.. హరిత హోటల్​లో బ్రేక్​ఫాస్ట్ చేస్తారు.
• ఆ తర్వాత 9:45 గంటలకు యాదాద్రి లక్ష్మీ నరసింహ స్వామి దర్శనం ఉంటుంది. దర్శనం అనంతరం అక్కడి నుంచి బయలుదేరుతారు.
• ఉదయం 11:00 నుంచి 11:30 AM వరకు జైన దేవాలయం సందర్శన ఉంటుంది.
• ఆ తర్వాత మధ్యాహ్నం 12:00 గంటలకు హస్తకళలకు ప్రసిద్ధి చెందిన పెంబర్తికి చేరుకుంటారు. అక్కడ షాపింగ్ చేసుకోవచ్చు.
• అనంతరం 1:30 గంటలకు హన్మకొండలోని హరిత కాకతీయ హోటల్‌కు చేరుకుని చెకిన్​ అవుతారు. చెక్-ఇన్ తర్వాత భోజనం చేసి కొద్దిసేపు రెస్ట్​ తీసుకుంటారు.
• ఆ తర్వాత 4:00 PM నుంచి 8:30 PM వరకు.. వెయ్యి స్తంభాల గుడి, భద్రకాళి ఆలయాన్ని దర్శించుకుంటారు. అలాగే.. వరంగల్ ఫోర్ట్ సౌండ్ & లైట్ షో ప్రదర్శనను వీక్షిస్తారు.
• అనంతరం రాత్రి 9:00 గంటలకు హోటల్‌కి తిరిగి వచ్చి.. ఆ రాత్రికి అక్కడే డిన్నర్, స్టే ఉంటుంది.

రెండో రోజు :

• రెండో రోజు ఉదయం టిఫెన్ చేసి 8 గంటలకు రామప్ప టెంపుల్​కు బయల్దేరుతారు.
• 10:00 AM నుంచి 1:00 PM మధ్యలో రామప్ప ఆలయ సందర్శన, బోటింగ్, భోజనం సదుపాయం ఉంటుంది. అనంతరం లక్నవరం వెళ్తారు.
• మధ్యాహ్నం 2 నుంచి 3 గంటల మధ్య బోటింగ్ సహా లక్నవరం సందర్శన ఉంటుంది. ఆ తర్వాత అక్కడ నుంచి రిటర్న్ అవుతారు.
• అనంతరం సాయంత్రం 5:00 గంటలకు హన్మకొండలోని హరిత హోటల్‌కు చేరుకుంటారు. అక్కడ టీ, స్నాక్స్ బ్రేక్ ఉంటుంది.
• ఆ తర్వాత 5:30 గంటలకు వరంగల్ నుంచి బయల్దేరుతారు. రాత్రి 9 గంటలకు సికింద్రాబాద్ చేరుకోవటంతో మీ టూర్ ప్యాకేజీ ముగుస్తుంది.

ప్యాకేజీ ధరలు చూస్తే:

• పెద్దలకు.. రూ.3,449, పిల్లలకు రూ.2,759 రూపాయలుగా నిర్ణయించారు.
• ఈ టూర్​లో ప్రయాణం మొత్తం ఏసీ మినీ కోచ్ బస్సులో ఉంటుంది.
• ప్రస్తుతం ఈ టూర్ ప్యాకేజీ జనవరి 11వ తేదీన అందుబాటులో ఉంది.
• ఈ ప్యాకేజీకి సంబంధించిన పూర్తి వివరాల కోసం ఈ లింక్​పై క్లిక్ చేయండి.