జగిత్యాల జిల్లా ప్రసిద్ధ పుణ్యక్షేత్రమైన కొండగట్టు అంజన్న స్వామి ఆలయంలో శ్రావణమాస సప్తహ ఉత్సవాలు నిరాడంబరంగా ప్రారంభమయ్యాయి. ఉత్సవాల సందర్భంగా వేకువజాము నుంచే స్వామి వారికి ప్రత్యేక పూజలు, అభిషేకాలు చేశారు. ఈరోజు నుంచి వారంరోజుల పాటు ఈ ఉత్సవాలను నిర్వహించనున్నట్లు ఆలయ అధికారులు తెలిపారు.
కరోనా కారణంగా స్వామి వారిని దర్శించుకునేందుకు తక్కువ సంఖ్యలో భక్తులు హాజరయ్యారు. వచ్చిన వారందరూ మాస్కులు ధరించి, భౌతిక దూరం పాటించేలా ఆలయ అధికారులు చర్యలు తీసుకున్నారు. ఈ సప్తాహ ఉత్సవ కార్యక్రమంలో ఆలయ అర్చకులు, అధికారులు పాల్గొన్నారు.
