మెట్పల్లిలో భాజపా నాయకుల అరెస్టు
ఇంటర్ ఫలితాల్లో అవకతవకలకు నిరసనగా భాజపా రాష్ట్ర బంద్కు పిలుపునిచ్చింది. మెట్పల్లిలో బంద్ చేసేందుకు సిద్ధమవుతున్న నాయకులను పోలీసులు అదుపులోకి తీసుకుని స్టేషన్కు తరలించారు. జగిత్యాల జిల్లా మెట్పల్లిలో తెల్లవారుజామునే భాజపా నాయకులను వారి ఇళ్లలో నుంచి తీసుకువచ్చి స్టేషన్లో ఉంచారు. నాయకులను అరెస్టు చేస్తూ ఎక్కడికక్కడ బంద్ జరగకుండా చూస్తున్నారు పోలీసులు. అక్రమంగా అరెస్టు చేయడం ప్రభుత్వ దిగజారుడుతనానికి నిదర్శనమని కోరుట్ల నియోజకవర్గ భాజపా ఇంఛార్జీ వెంకట్ ఆగ్రహం వ్యక్తం చేశారు. ఇంటర్ ఫలితాల్లో తప్పిదాల వల్ల పిల్లలెందరో చనిపోతున్నా.. పట్టించుకోని ఈ ప్రభుత్వానికి ప్రజలే గుణపాఠం చెబుతారని హెచ్చరించారు.
ఇవీ చూడండి: చారిత్రక చార్మినార్కు ఊడిన పెచ్చులు
