మనోధైర్యంతో కరోనాను జయించిన 93 ఏళ్ల బామ్మ

జగిత్యాల జిల్లాలో కరోనా రోజురోజుకు విజృంభిస్తోంది. దాదాపుగా రోజుకు 600కు పైగా కేసులు, 10 మరణాలు నమోదవుతున్నాయి. ఇలాంటి క్లిష్ట సమయంలో ఓ బామ్మ మాత్రం ఎలాంటి వైద్యం లేకుండానే కరోనాను జయించింది.

జగిత్యాల జిల్లా రాయికల్ మండలం కట్కాపూర్​కు చెందిన నర్సమ్మకు 93 ఏళ్లు. ఇటీవలె ఆమె కరోనా బారిన పడింది. మహమ్మారి సోకినందుకు ఆమె భయపడలేదు. ధైర్యంగా దానిని ఎదురించేందుకు పూనుకుంది.

హోం క్వారంటైన్​లోనే ఉంటూ... పౌష్ఠికాహారం తీసుకుంది. మళ్లీ పరీక్షలు నిర్వహించగా కరోనా నెగిటివ్ వచ్చింది. కరోనా వచ్చినా ఆరోగ్యంగానే ఉన్నానని బామ్మ తెలిపింది. మనోధైర్యంతోనే కరోనా నుంచి త్వరగా కోలుకుంటామంటోంది నర్సమ్మ.

ఇదీ చూడండి: రోగుల అవస్థలు.. వైద్యమందక చిన్నారి మృతి