'ఉద్యోగమివ్వకుంటే కారుణ్య మరణాన్ని ప్రసాదించండి'

ఉపాధ్యాయ నోటిఫికేషన్​ పడితే సంబరపడ్డారు. కష్టపడి చదివి మెరిట్​గా నిలిచారు. నియామకాలు చేపట్టడంలో ప్రభుత్వ నిర్లక్ష్యం వారికి తీరని వేదన కలిగించింది. ఎన్నాళ్లు వేచి చూసినా లాభం లేదనుకున్నారు. కారుణ్య మరణాన్ని ప్రసాదించాలంటూ టీఆర్టీ అభ్యర్థులు నాంపల్లిలో హెచ్​ఆర్సీని ఆశ్రయించారు.

మొన్న గ్రూప్-2 అభ్యర్థులు... పరీక్ష ఫలితాల కోసం ఎదురుచూసి విసిగిపోయారు. కారుణ్య మరణానికి అనుమతి ఇవ్వాలంటూ మానవ హక్కుల సంఘాన్ని ఆశ్రయించారు. ఇప్పుడు టీఆర్టీ అభ్యర్థుల వంతు. తమ గోడు వినాలంటూ నాంపల్లిలోని హక్కుల సంఘం తలుపు తట్టారు. కనీసం కారుణ్య మరణానికైనా అనుమతి ఇవ్వాలని కోరుతున్నారు. టీఎస్​పీఎస్సీ ద్వారా 2018 ఫిబ్రవరిలో టీఆర్టీ పరీక్ష నిర్వహించి 8792 మంది అభ్యర్థులను ఎంపిక చేస్తూ ఫలితాలు విడుదల చేశారని.. ఇప్పటికీ నియామకాలు చేపట్టలేదని ఆవేదన వ్యక్తం చేస్తున్నారు.

ఎంపికైన నిరుద్యోగులం...

ఇన్ని రోజులుగా ఉద్యోగం కోసం ఎదురు చూస్తున్న తమ కుటుంబాలు ప్రస్తుతం రోడ్డున పడే పరిస్థితి నెలకొందని ఆవేదన వ్యక్తం చేస్తున్నారు. 15 రోజుల్లోగా ప్రభుత్వం స్పందించి నియామకాలు చేపట్టాలని డిమాండ్​ చేశారు. కౌన్సిలింగ్​ తేదీలు ప్రకటించకుంటేకారుణ్య మరణానికైనా అనుమతివ్వాలని కోరారు.

ఇదీ చదవండి :'కాంగ్రెస్​లో నాయకత్వ లోపంతోనే పార్టీని వీడాను'