కిడ్నాప్​ కేసును ఛేదించిన పోలీసులు

రెండు సంవత్సరాల బాలుడి కిడ్నాప్ కేసును ఛేదించారు మియాపూర్​ పోలీసులు. బాలుడిని తల్లిదండ్రులకు అప్పగించారు. నిందితుడిని అరెస్ట్​ చేశారు.

ఏపీకి చెందిన నూకరాజు అలియాస్ కృష్ణ (35) మియాపూర్​లోని అబ్దుల్ వాహిద్ ఇంట్లో అద్దెకు ఉన్నాడు. యజమానితో గొడవ కారణంగా ఇల్లు ఖాళీ చేశాడు. కోపం పెంచుకున్న నూకరాజు అబ్దుల్ వాహిద్ కుమారుడిని కిడ్నాప్​ చేశాడు. బాధితుల ఫిర్యాదుతో కేసు నమోదు చేసుకున్న పోలీసులు విచారణ చేపట్టారు.

ఐదు బృందాలు ఏర్పాటు చేసి గాలింపు చర్యలు చేపట్టారు. కాలనీలో ఉన్న సీసీ టీవీ ఫుటేజ్ పరిశీలించి ఓ వ్యక్తిని అనుమానించారు. మాదాపూర్​లో బాబుతోపాటు ఉన్న అతడిని అదుపులోకి తీసుకున్నారు. ఈ కిడ్నాప్ కేసును ఛేదించిన మియాపూర్ సీఐ వెంకటేశ్​, ఎస్తై రవి కిరణ్ అభినందనలు వెల్లువెత్తాయి.

ఇదీ చూడండి: ఆర్​బీఐ అభయంతో లాభాల్లో స్టాక్​ మార్కెట్లు