బాండ్ల వేలం ద్వారా రాష్ట్ర ప్రభుత్వం మరో వెయ్యి కోట్లను సమీకరించుకోనుంది. ఈ మేరకు ఆర్థికశాఖ నోటిఫికేషన్ జారీ చేసింది. రిజర్వ్ బ్యాంక్ ద్వారా ఈ నెల 29న బాండ్లను వేలం వేయనున్నారు. రూ.1,029 కోట్ల రూపాయల విలువైన బాండ్లను 14 ఏళ్ల కాలపరిమితితో జారీ చేసింది. ఈ ఆర్థిక సంవత్సరంలో ఇదే చివరి రుణం కానుంది.
2021-22లో రుణాల ద్వారా 47,500 కోట్ల రూపాయలు సమకూర్చుకోవాలని రాష్ట్ర ప్రభుత్వం ప్రతిపాదించింది. కాగ్కు ఇచ్చిన వివరాల ప్రకారం జనవరి నెలాఖరు వరకు 44,365 కోట్ల రూపాయలను రుణంగా తీసుకొంది. ఫిబ్రవరి నెలతో పాటు మార్చిలోనూ ఇంకొంత మొత్తాన్ని అప్పుగా తీసుకొంది. తాజాగా ఆర్థిక సంవత్సరం చివర్లో మరో 1029 కోట్లను సమీకరించుకోనుంది.
ఇదీ చదవండి : KTR IN US: దేశానికే గర్వకారణం తెలంగాణ: మంత్రి కేటీఆర్
