Telangana Congress Manifesto 2023 : రాష్ట్రంలో అధికారమే లక్ష్యంగా.. 6 గ్యారంటీలే ప్రధాన అస్త్రంగా దూసుకుపోతున్న హస్తం పార్టీ.. రేపు మేనిఫెస్టో విడుదల చేయనుంది. ఏఐసీసీ అధ్యక్షుడు మల్లికార్జున ఖర్గే.. ప్రస్తుతం ఉన్న ఆరు గ్యారంటీలకు అనుబంధంగా తెలంగాణ కాంగ్రెస్ మేనిఫెస్టోను ప్రకటించనున్నారు. ఏటా జాబ్ క్యాలెండర్ విడుదల చేయడంతో పాటు పారదర్శకంగా నియామక ప్రక్రియ చేపట్టనున్నట్లు మేనిఫెస్టోలో పొందుపర్చారు. ధరణిని తీసేసి, దాని స్థానంలో భూమాత పోర్టల్ ప్రవేశపెట్టనున్నట్లు అందులో తెలిపారు. ఇంకా మేనిఫెస్టోలో ఏమేం ఉన్నాయంటే..?
కాంగ్రెస్ అధికారంలోకి వచ్చిన ఏడాదిలోనే 2 లక్షల ఉద్యోగాలు కల్పిస్తాం : రేవంత్రెడ్డి
కాంగ్రెస్ మేనిఫెస్టోలోని ముఖ్యాంశాలు ఇవే..
- ఏటా జాబ్ క్యాలెండర్ విడుదల.. పారదర్శకంగా నియామక ప్రక్రియ
- విద్యార్థులందరికీ ఉచితంగా ఇంటర్నెట్ సదుపాయం
- బడ్జెట్‌లో విద్యారంగానికి 15 శాతం నిధుల కేటాయింపు
- మధ్యాహ్న భోజన కార్మికులకు నెలకు రూ.10 వేల వేతనం
- మూతబడిన దాదాపు 6 వేల పాఠశాలల పునః ప్రారంభం
- కొత్తగా 4 ట్రిపుల్‌ ఐటీల ఏర్పాటు
- ఆరోగ్య శ్రీ పథకం పరిధిలోకి మోకాలి సర్జరీ
- ప్రభుత్వ ఆసుపత్రులను ఆధునికీకరించి.. మెరుగైన వైద్య సేవలు
- ధరణి స్థానంలో భూమాత పోర్టల్
- భూ హక్కుల సమస్యల పరిష్కరానికి ల్యాండ్‌ కమిషన్‌ ఏర్పాటు
- పేదలకు పంపిణీ చేసిన 25 లక్షల ఎకరాలపై పూర్తి స్థాయి హక్కులు
- సర్పంచుల ఖాతాల్లో గ్రామ పంచాయతీ అభివృద్ధి నిధుల జమ
- గ్రామ పంచాయతీ వార్డు మెంబర్లకు నెలకు రూ.1500 గౌరవ వేతనం
- ప్రభుత్వ ఉద్యోగులు, పెన్షనర్లకు పెండింగ్‌ డీఏల చెల్లింపు
- సీపీఎస్‌ రద్దు చేసి.. దాని స్థానంలో ఓపీఎస్‌ అమల్లోకి
- కొత్త పీఆర్సీ ఏర్పాటు చేసి.. 6 నెలల్లో అమలు
తెలంగాణపై ఏఐసీసీ బృందాల ఫోకస్‌ - అభ్యర్థులతో సంబంధం లేకుండా తెరవెనుక రాజకీయం
కాంగ్రెస్ మేనిఫెస్టోలోని మరికొన్ని ప్రతిపాదిత హామీలు
- ఆరు గ్యారంటీలకు అనుబంధంగా మేనిఫెస్టో విడుదల
- సీఎం క్యాంపు కార్యాలయంలో ప్రతిరోజూ 'ప్రజా దర్బార్‌' నిర్వహణ
- తెలంగాణ ఉద్యమవీరుల కుటుంబాలకు నెలవారీ గౌరవ పింఛను
- ఉద్యమ అమరవీరుల కుటుంబానికి నెలకు రూ.25 వేల పింఛను
- ఉద్యమ అమరవీరుల కుటుంబంలో ఒకరికి ప్రభుత్వ ఉద్యోగం
- తెలంగాణ ఉద్యమకారులపై ఉన్న అన్ని కేసులు ఎత్తివేత
- తెలంగాణ ఉద్యమకారుల కుటుంబానికి 250 గజాల ఇంటి స్థలం
- రైతులకు ఏకకాలంలో రూ.2 లక్షల వరకు రుణమాఫీ
- రైతులకు రూ.3 లక్షల వరకు వడ్డీ లేని రుణాల పంపిణీ
- వ్యవసాయానికి 24 గంటల ఉచిత విద్యుత్‌
- అన్ని ప్రధాన పంటలకు సమగ్ర బీమా పథకం అమలు
- దాదాపు 2 లక్షల ప్రభుత్వ ఉద్యోగ ఖాళీలు భర్తీ
- కాళేశ్వరం ప్రాజెక్టు అవినీతిపై సిట్టింగ్‌ హైకోర్టు జడ్జితో విచారణ
- గ్రామ పంచాయతీలకు చెరువుల నిర్వహణ, మరమ్మత్తుల బాధ్యతలు
- చెరువుల నిర్వహణకు గ్రామ పంచాయతీలకు తగినన్ని నిధులు
- మెగా డీఎస్సీని ప్రకటించి.. 6 నెలల్లో ఖాళీ టీచర్‌ పోస్టుల భర్తీ
ప్రచారంలో కాంగ్రెస్ తగ్గేదేలే- ఉచిత హామీలతో ఓటర్లలో ఫుల్ జోష్, డైలమాలో బీజేపీ!
