నగరంలో రోజు రోజుకు కరోనా కేసులు పెరుగుతున్న నేపథ్యంలో కింగ్‌కోఠిలోని జిల్లా ఆసుపత్రిని రాష్ట్ర ఆరోగ్యశాఖ ప్రత్యేక కార్యదర్శి విజయేంద్రబోయి ఆకస్మిక తనిఖీ చేశారు. ఈ సందర్భంగా ఆసుపత్రిలో కొవిడ్ కేసుల వివరాలు, చికిత్స విధానంతో పాటు పరిసరాల పరిశుభ్రతపై ఆమె అధికారులను అడిగి తెలుసుకున్నారు.
రోగులకు సరైన వైద్యం అందేలా చర్యలు తీసుకోవాలని అధికారులను ఆదేశించారు. ఆసుపత్రి వ్యర్థాలపై ఆరా తీశారు. వాటిని ఏ విధంగా శుభ్రం చేస్తున్నారు అనే విషయాలను అధికారులతో పాటు సిబ్బందిని అడిగి తెలుసుకున్నారు.
ఇదీ చూడండి: సీఎం ఎవరో తెలియదు.. రేపే ప్రమాణ స్వీకారం!
