'స్మోక్ ఫ్రీ హైదరాబాద్' మన లక్ష్యం కావాలి
శుక్రవారం వరల్డ్ నో టొబాకో డే సందర్భంగా ఈరోజు నెక్లెస్ రోడ్లో 'స్మోక్ ఫ్రీ హైదరాబాద్' పేరిట పరుగు నిర్వహించారు. ఈ కార్యక్రమానికి వైద్య, ఆరోగ్యశాఖ మంత్రి ఈటల రాజేందర్ జెండా ఊపి ప్రారంభించారు. ఈ పరుగులో 200 మంది పాల్గొన్నారు. బహిరంగ ప్రదేశాల్లో ధూమపానం చేసేవారిపై కఠిన ఇక నుంచి చర్యలు తీసుకుంటామని మంత్రి హామీ ఇచ్చారు.
ఈ కార్యక్రమం డిపార్టమెంట్ ఆఫ్ హెల్త్ అండ్ ఫ్యామిలీ వెల్ఫేర్, గ్రేటర్ హైదరాబాద్ మున్సిపల్ కార్పొరేషన్ ఆధ్వర్యంలో జరిగింది. రానున్న 4 నెలల్లో భాగ్యనగరాన్ని ధూమపానరహితంగా చేస్తామని నిర్వాహకులు తెలిపారు. ఈ 'స్మోక్ ఫ్రీ హైదరాబాద్' పరుగులో అపశృతి చోటుచేసుకుంది. పరుగులో పాల్గొనేందుకు వచ్చిన ఓ నర్సింగ్ విద్యార్థినిని కారు ఢీకొంది. ఆ ఘటనలో విద్యార్థినికి గాయాలయ్యాయి. ఇవీ చూడండి: పదోతరగతి ప్రతిభావంతులకు పురస్కారాలు
