సికింద్రాబాద్ మోండా మార్కెట్లో వ్యాపారస్తులు ఆందోళనకు గురి కావాల్సిన అవసరం లేదని మంత్రి తలసాని శ్రీనివాస్ యాదవ్ స్పష్టం చేశారు. మోండా మార్కెట్ను మంత్రి తలసాని శ్రీనివాస్ యాదవ్ సందర్శించారు. ఈ సందర్భంగా జీహెచ్ఎంసీ అధికారులతో కలిసి పర్యటించారు. మోండా మార్కెట్లో వ్యాపారస్తుల సమస్యలను అడిగి తెలుసుకున్నారు.
'మంత్రి కేటీఆర్తో నేను మాట్లాడతా'
మున్సిపల్ చట్టం ప్రకారం 25 ఏళ్లు కిరాయికి ఉన్న కిరాయిదారుల లీజ్ ముగియడం వల్ల పబ్లిక్ యాక్షన్ కోసం దుకాణదారులకు నోటీసులు పంపించారు. ఈ నేపథ్యంలో మంత్రి తలసాని పర్యటన ప్రాధాన్యత సంతరించుకుంది. ఇక్కడే పుట్టి పెరిగి, స్థానికంగా వ్యాపారం చేసుకుంటున్న వారిని ఆదుకుంటామని మంత్రి తలసాని హామీ ఇచ్చారు. మున్సిపల్ మంత్రి కేటీఆర్, సంబంధిత అధికారులతో మాట్లాడి స్థానికులకే దుకాణాలు వచ్చే విధంగా కృషి చేస్తానని మంత్రి తలసాని స్పష్టం చేశారు.
ఇవీ చూడండి : పల్లె ప్రగతి తరహాలోనే పట్టణ ప్రగతి: కేటీఆర్
