కొవిడ్ అనంతరం నోటిలో ఇన్ఫెక్షన్ వచ్చి.. పైదవడ భాగం పూర్తిగా దెబ్బతిన్న వ్యక్తికి 12 గంటల పాటు శ్రమించి అరుదైన చికిత్స చేశారు కూకట్పల్లిలోని ఓ ప్రైవేటు ఆసుపత్రి వైద్యులు. కడప జిల్లాకు చెందిన సునీల్ అనే వ్యక్తికి గతేడాది సెప్టెంబర్లో కొవిడ్ వచ్చి క్వారంటైన్లో ఉన్నారు. అనంతరం నోటిలో ఫంగస్ ఇన్ఫెక్షన్ వచ్చింది. దవడ పూర్తిగా దెబ్బతింది.
ఇన్ఫెక్షన్ పంటికి చేరడంతో తినలేని పరిస్థితి ఏర్పడింది. కడపలో ప్రైవేటు ఆసుపత్రిలో చికిత్స పొందుతున్న సునీల్.. అనంతరం హైదరాబాద్లోని ఓ ప్రైవేటు ఆసుపత్రిలో చేరారు. అక్కడి వైద్యులు 12 గంటల పాటు శ్రమించి కాలు భాగంలో మెత్తటి ఎముకను సేకరించి శస్త్ర చికిత్స చేశారు.
- ఇదీ చూడండి : బిట్టు శ్రీనుకు 14 రోజుల రిమాండ్
