లాక్​డౌన్​ అమలును పరిశీలించిన రాచకొండ సీపీ

లాక్​డౌన్ నిబంధనలు కఠినంగా అమలు చేస్తున్నామని రాచకొండ పోలీసులు తెలిపారు. మీర్ పేట్, బాలాపూర్ ఠాణా పరిధిలోని పలు చెక్​పోస్టులను సీపీ మహేశ్ భగవత్​​ పరిశీలించారు.

రాచకొండ కమిషనరేట్​ పరిధిలో లాక్​డౌన్​ అమలును సీపీ మహేశ్ భగవత్​​ పరిశీలించారు. చెక్​పోస్టుల వద్ద సిబ్బందికి పలు సూచనలు చేశారు. ఎలాంటి అనుమతులు లేకుండా రోడ్లపైకి వస్తే కఠిన చర్యలు తప్పవని హెచ్చరించారు.

రాష్ట్రంలో కొవిడ్​ మహమ్మారి విస్తరిస్తూనే ఉందని.. ఉదయం పది గంటలలోపు ఉన్న సడలింపు సమయంలోనే పనులు ముగించుకుని వెళ్లిపోవాలని సీపీ సూచించారు. ప్రజల కోసం ప్రాణాలు పణంగా పెట్టి విధులు నిర్వహిస్తున్న పోలీసులకు సహకరించాలని స్పష్టం చేశారు.

ఇదీ చూడండి: కాళ్లకు బొబ్బలెక్కినా.. నడక ఆగదు..