Reading Festival in Telangana Schools : 'రేపటి నుంచి ఈ నెల 31 వరకు అన్ని స్కూళ్లలో పఠనోత్సవం'

Reading Festival in Schools in Telangana : విద్యార్థులు బాగా చదవగలగాలి.. వారికి రోజు వారీ జీవితంలో చదువు ఒక అలవాటుగా మారాలి.. విద్యార్థులు స్వతంత్ర పాఠకులుగా ఎదగాలన్న లక్ష్యంతో సోమవారం( ఈ నెల 26 ) నుంచి జులై 31 వరకు అన్ని పాఠశాలల్లో పఠనోత్సవాన్ని నిర్వహించాలని రాష్ట్ర విద్యాశాఖ నిర్ణయించింది. ఒకటి నుంచి పదో తరగతి వరకు రోజూ ప్రతి తరగతికి ఒక పీరియడ్‌ను పఠనానికి కేటాయించాలని మార్గదర్శకాలను జారీ చేసింది.

TS Schools Badi Bata Programme 2023 : విద్యార్థులంతా ధారాళంగా చదవాలి.. వారికి చదవడం ఒక అలవాటుగా మారాలి.. స్వతంత్ర పాఠకులుగా ఎదగాలి అనే లక్ష్యంతో సోమవారం(ఈ నెల 26) నుంచి జులై 31 వరకు అన్ని పాఠశాలల్లో పఠనోత్సవాన్ని నిర్వహించాలని విద్యాశాఖ నిర్ణయించింది. ఒకటి నుంచి పదో తరగతి వరకు రోజూ ప్రతి తరగతికి ఒక పీరియడ్‌ను పఠనానికి కేటాయించాలని మార్గదర్శకాలను జారీ చేసింది. ఈ మేరకు "ప్రతి సబ్జెక్టు ఉపాధ్యాయుడు బోధనలో పిల్లలతో పాఠ్యాంశాన్ని 10 నిమిషాల పాటు పెద్దగా చదవడం చేయించాలి. కీలక పదాలను స్కూల్‌లోని బోర్డుపై రాయాలి.

Badi Bata Telangana 2023 : విద్యార్థులకు రోజూ స్కూల్‌ గ్రంథాలయంలోని పుస్తకాలను చదవడానికి ఒక పీరియడ్‌ కేటాయించాలి. వారంలో మూడు రోజులు మాతృభాషవి, మరో మూడు రోజులు ఆంగ్ల భాషలోని కథల పుస్తకాలను వారి చేత చదివించాలి. విద్యార్థులను గ్రంథాలయ కమిటీలుగా ఏర్పాటు చేయాలి. ఉదయం జరిగే అసెంబ్లీలో ప్రతిరోజూ ఇద్దరు/ముగ్గురు పిల్లలతో కథల పుస్తకాలను చదివించాలి. బడుల్లో ప్రతి శనివారం పఠన పోటీలు జరపాలి. అన్ని పాఠశాలల్లో జులై 10 నుంచి 15 వరకు గ్రంథాలయ వారోత్సవాలను నిర్వహించాలి" అని విద్యాశాఖ ఆదేశాలిచ్చింది. బడుల్లో పిల్లల నమోదు కోసం మరోసారి ఆచార్య జయశంకర్‌ బడిబాట కార్యక్రమం చేపట్టాలని విద్యాశాఖ సంచాలకురాలు శ్రీ దేవసేన ఆదేశాలు ఇచ్చారు. తరగతులకు ఎటువంటి ఆటంకం కలగకుండా నిర్వహించాలన్నారు.

నో బ్యాగ్​ డే.. అంతంతే..: రాష్ట్రంలోని అన్ని పాఠశాలల్లో ప్రతి నెలా నాలుగో శనివారం నో బ్యాగ్‌ డే నిర్వహించాలని ప్రభుత్వం ఆదేశించినా తొలి నెల లోనే 80 శాతానికి పైగా బడుల్లో అవి అమలు చేయలేదు. విద్యాశాఖ జారీ చేసిన అకడమిక్‌ క్యాలెండర్‌ ప్రకారం.. జూన్‌ నుంచి ఏప్రిల్‌ వరకు 10 రోజులు దీన్ని పాటించాల్సి ఉంది. ఈ నేపథ్యంలో తొలి నాలుగో శనివారం(24వ తేదీ) చాలాచోట్ల స్కూళ్లల్లో పిల్లలు రోజూ మాదిరిగానే బ్యాగ్‌లను మోసుకుంటూ రాగా.. ఉపాధ్యాయులు యధావిధిగా పాఠాలు బోధించారు. కాగా.. జగిత్యాల జిల్లా ఎండపల్లి మండలం గుల్లకోట ప్రాథమిక పాఠశాల, మహాత్మాగాంధీ రోడ్‌లోని ఉన్నత పాఠశాల, మహబూబ్‌నగర్‌లోని రామయ్యబౌలి పాఠశాలల్లో మాత్రం వివిధ ఆటల పోటీలు, నృత్యం చేయించడం వంటి కార్యక్రమాలను నిర్వహించారు.

TS Badi Bata 2023 : మరోవైపు బడిబాట లక్ష్యాలు, నిర్వహణ తీరుపై విధివిధానాలు వివరిస్తూ డీఈఓలకు రాష్ట్ర పాఠశాల విద్యాశాఖ డైరెక్టర్ శ్రీదేవసేన ఉత్తర్వులు జారీ చేసిన విషయం తెలిసిందే. ఈ నెల 31లోగా జిల్లా కలెక్టర్లు బడిబాట సమన్వయ సమావేశాలు నిర్వహించి కార్యక్రమాలను ప్రణాళిక చేస్తారు. మంత్రులు, ఎంపీలు, ఎమ్మెల్యేలు, ఎమ్మెల్సీలను ఈ సమావేశాలకు ఆహ్వానిస్తారు.

ఇవీ చదవండి: