'విద్యుత్​ బిల్లులు ఆన్​లైన్​లో​ చెల్లించండి'

విద్యుత్ వినియోగదారులు ఆన్​లైన్ ద్వారా బకాయిలు చెల్లించాలని జెన్​కో-ట్రాన్స్​కో సీఎండీ దేవులపల్లి ప్రభాకర్ రావు విజ్ఞప్తి చేశారు. లాక్​డౌన్​ వల్ల నేరుగా నగదు చెల్లించడం సాధ్యం కాదన్నారు.

కరెంటు బిల్లులు ఆన్​లైన్ ద్వారా చెల్లించాలని జెన్​కో-ట్రాన్స్​కో సీఎండీ దేవులపల్లి ప్రభాకర్ రావు కోరారు. లాక్​డౌన్ అమలవుతున్న నేపథ్యంలో వినియోగదారులు నేరుగా నగదు రూపంలో బిల్లులు చెల్లించడం సాధ్యం కానందు వల్ల ఈ సౌకర్యం వినియోగించుకోవాలన్నారు. ప్రస్తుత బిల్లులే కాకుండా గతంలో వినియోగించిన విద్యుత్​కు సంబంధించిన బకాయిలు కూడా చెల్లించాల్సివుందని చెప్పారు.

లాక్​డౌన్ అమలవుతున్నప్పటికీ విద్యుత్ సంస్థలు ఎన్నో వ్యయ ప్రయాసలకు ఓర్చి 24 గంటల పాటు నిరంతరాయంగా, నాణ్యమైన విద్యుత్ అందిస్తున్నాయని చెప్పారు. ఈ సదుపాయం నిరాటంకంగా కొనసాగడానికి వినియోగదారులు బిల్లులు చెల్లించి సహకరించాలని విజ్ఞప్తి చేశారు.

ఇవీ చూడండి: కరోనాపై పోరులో ప్రజలకు రేపు మోదీ వీడియో సందేశం