తిరుచానూరు శ్రీ పద్మావతి అమ్మవారి ఆలయంలో బ్రేక్ దర్శనం అందుబాటులోకి వచ్చింది. ఈ మేరకు తితిదే ప్రకటన చేసింది. లాక్‌డౌన్ వల్ల ఆలయంలో విరామ సమయ ద‌ర్శ‌నాన్ని కొన్నాళ్ల క్రితం తాత్కాలికంగా నిలిపివేశారు. కొవిడ్‌ నిబంధనల మేరకు జూన్ 8 నుంచి ఆలయంలో అమ్మవారి ద‌ర్శ‌నానికి భక్తులకు అనుమ‌తిచ్చినా.. విరామ దర్శనాలు అమలు చేయలేదు.
తిరిగి.. బుధవారం ఉదయం 11.30 నుంచి 12 గంటల వరకు, సాయంత్రం 7 నుంచి 7.30 గంటల వరకు వీఐపీ విరామ సమయ దర్శనాలను అమలు చేయనున్నారు. ప్రోటోకాల్‌ వీఐపీలకు నిర్దేశించిన సమయంలో అమ్మవారి దర్శనం కల్పించేందుకు, సాధారణ భక్తులకు అసౌకర్యాన్ని తగ్గించేందుకు ఈ నిర్ణయం తీసుకున్నట్టు తితిదే తెలిపింది.
ఇదీ చదవండి: యునెస్కో గుర్తింపునకు అడుగు దూరంలో రామప్ప ఆలయం..
